› 選擇地區
三藩市
紐約
洛杉磯
其他美國地區
香港 台灣 北美
 
2017年03月31日

律師好友教路
51歲郭富城擬定婚前協議書

51歲郭富城(城城)日前被《蘋果》獨家爆佢同29歲大陸網紅方媛(Moka)喺香港入紙註冊結婚,有消息指Moka已懷孕兩個月,今次可以話係雙喜臨門。

之不過自從城城嘅婚訊公開咗之後,坊間有唔少傳言,前日有報道話本來城城打算去拉斯維加斯註冊,跟住再喺香港請親友兼好友出席婚禮,點知方媛因為想早啲拎到香港嘅居留權,所以堅持喺香港註冊!

昨日又有周刊報道,一向好孝順媽咪嘅城城,為咗圓抱孫夢,所以踏入5字頭之後,突然間做人夫兼人父嘅念頭,直到佢遇到聽教聽話兼且又後生嘅方媛,於是城城都唔介意結婚,當佢知道女友有咗BB之後,唔想到見咗肚先結婚,所以咪急住排期註冊。

報道仲話城城啲朋友知道,覺得開心又擔心,始終佢哋拍咗拖唔係好耐,加上又唔係好熟悉方媛,所以有律師朋友向城城提出意見,叫佢擬定一份婚前協議書,保障一下自己,跟住又話方媛本來喺安徽同上海大搞,不過城城堅持唔肯,一方面教佢講心唔講,另一方面又採取拖字訣,等生完B先再諗。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載