› 選擇地區
三藩市
紐約
洛杉磯
其他美國地區
香港 台灣 北美
 
2017年04月01日

擅演反派好打得
65歲高飛癌逝 中風兒:我受唔住

於70年代香港電影黃金時期,經常在成龍、洪金寶的電影中以演反派的武打演員高飛,前晚因前列腺癌在北區醫院離世,終年65歲。入行逾50年、拍逾100部電影的高飛,擔任過導演、動作指導及監製等,高飛兒子兩年前經歷喪母及中風,昨日他面對父親死訊時說:「我都受唔住。」

相關新聞:錢嘉樂聞前輩離世:好可惜

原名林伯恆的高飛,前晚因前列腺癌末期,在北區醫院離世,終年65歲。70年代高飛經常在成龍、洪金寶的電影以反派角色出現,成為當年圈中出色的歹角之一,當年更憑獨到眼光發掘了打女大島由加利到香港發展。

太平館打工被發掘

高飛的42歲兒子林志強昨日接受本報電話訪問時,透露爸爸走得很突然,他哽咽地說:「係前列腺癌末期,噚晚爸爸突然唔舒服送咗入醫院,到9點半左右,打咗支針,但終於都捱唔住。我都受唔住,太突然,我感覺係最後先知,佢好硬淨,前日都冇事,噚日突然冇晒力。」他表示父親兩年前經歷喪妻之痛,作為獨子的自己亦中風要由父親照顧,所以高飛一直隱瞞前列腺癌的病情:「媽媽兩年前離開咗,又係爆血管,即刻走咗。7、8個月後到我中風,可能心情都有影響,𠵱家自己只行到兩步,唔穩。」

相關新聞:【入行50年】拍逾100部電影

林志強指父親原是大埔人,60年代到位於佐敦道的太平館餐廳打工,他說:「去到太平館送外賣,嗰度多電影人幫襯,就識咗電影人帶入行。」他表示父親原本想再教踢波及復出做導演,遺願是組過一隊足球隊「國際聯盟」。高飛本身是明星足球隊的主力球員,擔任右翼位置,被譽為球隊歷年來最佳右翼,他的身後事將會由高飛姐姐處理。
高飛除幕前演出外,曾經習武的他亦擔任過導演、動作指導及監製等職位,90年期間,高飛舉家移民菲律賓,在當地製作電影,其後返港定居。他執導過由任達華和王祖賢主演的電影《東方老虎》,任達華昨獲悉好友離世時顯得非常傷心,又大讚高飛是一名出色好演員,他哽咽說:「我同佢拍戲拍好多,佢為人好正直、好肯幫朋友,佢走咗,我個心好唔舒服。希望佢喺另一個世界,可以拍到佢自己鍾意嘅電影。佢非常熱愛電影、熱愛武術,同佢拍戲,佢好照顧啲演員,佢又好幫朋友。」他表示對方雖然是武夫出身,但卻有一顆仁慈跟寬容的心。

華仔:永遠記得佢

劉德華昨日亦透過助手表示:「又一個熟悉嘅演員朋友離開,個心唔舒服覺得可惜。跟高飛認識咗好多年,由明星足球隊嘅時候就認識,離開咗電視台一直都有同佢拍戲,佢係一個好好嘅前輩,教咗我哋好多嘢。希望高飛一路走好,佢嘅屋企人亦都節哀。我哋會永遠都記得佢。」高飛生前好友朱鐵和昨在網上群組得知其死訊,兩人因合作而認識,私底下非常熟。不過早年移民加拿大到近年回流香港後,較少跟對方聯絡。何家勁昨日亦在微博發文悼念高飛,讚他是香港明星足球隊最佳右翼球員。
採訪:魯吉

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載