› 選擇地區
三藩市
紐約
洛杉磯
其他美國地區
香港 台灣 北美
 
2017年04月01日

簡單數學題考起阿Sa 超蓮笑碌哋

同大家玩個IQ題,題目係咁:
嗱,我o依家就6歲,我個妹就係我一半嘅歲數。o依家我60歲,咁我個妹幾多歲呢?

你有3秒時間作答
1
2
3
正確答案係?

如果你答咗30歲囉,咁就真係恭喜你呀!因為你同阿Sa(蔡卓妍)個答案一樣呀!前日何超蓮喺instagram貼咗段片,佢問阿Sa以上呢條問題,天真嘅阿Sa就直接思考咗60/2=30,結果超蓮笑到踎喺哋,仲笑阿Sa好可愛。至於阿Sa呢,就一臉茫然咁坐喺到儍笑。

前日《蘋果》搵過阿Sa講番起呢條數學題,Sa話條問題好蠱惑:「個問題唔係完全係一個數學問題囉,佢都有少少……即係……呃人嘅成份嘅。佢初初話……如果我6歲,我個妹細我一半。好容易去到60歲就去咗30歲囉。」

阿Sa仲拎埋會考成績證明自己數學好差,佢話:「我會考數學攞F囉,我仲打俾我阿媽同佢講『嘩!我數學竟然有F呀!』,佢答我『F都好啲,起碼唔係U呀』全世界嘅人對我嘅數學都好冇信心。亦都從來冇期待過我數學好叻,所以我o依家將我所有嘅錢交晒俾我阿媽,我覺得係我最明智嘅選擇。」

為咗證明自己計數真係好差,阿Sa越揭越多數學考試歷史:「我啲數學真係好差㗎……自從小學3,4年班已經好差,根住就全部都冇合格過……哈哈哈哈哈……我真係完全唔識計數。」

解釋番,姊姊6歲時候,妹妹歲數係姊姊一半,即係細3歲,所以姊姊到咗60歲,妹妹都已經57歲喇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載