› 選擇地區
三藩市
紐約
洛杉磯
其他美國地區
香港 台灣 北美
 
2017年04月01日

成龍現身風騷攞獎 蕭若元鬧爆:人渣之友

吳綺莉前日在翁靜晶同梁耀忠議員陪同下,控訴成龍多年來冇俾過一分一毫供養女兒卓林,記者會上淚灑人前。

成龍似乎無理會指控,昨日繼續出席鳳凰衛視《影響世界華人盛典》,並獲大會頒發特別致敬大獎。成龍雖然冇行紅地毯,但佢有參予整個過程,由頭坐到尾,攞完獎都有接受大會指定傳媒訪問,至於其他傳媒呢,成龍就未有理會,匆匆離開。

至於俾網民封做「燈神」嘅蕭若元,昨日拍片暫時唔講政事,而係講吓呢單家庭糾紛。

蕭生話睇完記者會後覺得非常憤怒,話成龍早前爆自己有十億身家,已經寫好遺囑,一半留俾林鳳嬌同房祖名,一半就要用嚟做慈善基金,救中國老虎,但蕭生就質疑現存嘅中國老虎,包括華南虎同東北虎,前者已近乎絕種,基本上近乎冇可能保育到,而後者喺其他國家已保育得好好,根本唔需要佢幫,反而最需要幫嘅係吳綺莉兩母女,但成龍竟然一個毫子都冇俾過,蕭生都好唔留情俾咁鬧爆話﹕「成龍仲話得到大獎(指奧斯卡榮譽獎,近年稱奧斯卡終身成就獎),咩善事乜乜乜乜咁,我睇見吳綺莉對佢嘅控訴,我真係覺得呢條友係人渣之友嚟!」

蕭生覺得吳綺莉有情緒病同酗酒習慣,需要向醫生求助,蕭生仲話﹕「講咩善事,自己個女,成龍你60幾歲人,大家知就有個房祖名,即係唔會再有女啦。一世人得一個女,而你話斗零都唔俾佢,呢個係人渣之友。」而吳綺莉好友「大姐明」林建明亦有轉載蕭若元呢條片。

相關新聞:卓林飛清邁旅遊

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載