› 選擇地區
三藩市
紐約
洛杉磯
其他美國地區
香港 台灣 北美
 
2017年04月02日

貪靚出事
陳思齊驚變膠面人

愛靚係女人嘅天性,但係為咗靚靚你可以去到幾盡,好似2000年港姐陳思齊(前名:陳凱怡),佢就因為想自己變靚啲就到個樣變晒,出咗事囉!

陳思齊參選港姐時,曾經被封為「千禧版朱玲玲」,當年大熱倒灶,但都加盟無綫成為藝員,拍劇以來佢都係主要做啲配角,從未做女主角。但係佢就因為一次貪靚,搞到個樣唔同咗而做過封面。13年,有網民就發現當時播放嘅劇集《仁心解碼II》入面嘅思齊,個樣又膠又硬,個鼻又高到好唔自然,跟手仲發現原來思齊之前拍《巴不得媽媽...》個樣仲怪!

原來思齊喺12年已經幫一間藥廠做代言,仲親身去示範打Botox,整鼻同下巴,但打Botox嘅劑量over咗,難怪網民覺得佢個樣怪咗,更傳出整容失敗。

及後思齊即接受周刊專訪,親自解畫,嗰陣佢已經還原靚靚㗎喇。思齊話:「之前因為要做美容院代言人,所以接受透明質酸注射,第一次打效果好靚,好似鬼妹,嗰排喺街勁多人撩,仲有星探話要發掘我,之後打第二次就over咗,個樣勁腫,嗰時拍緊《神探哥倫布》及《女警愛作戰》,啲同事都勁好奇,祥仔(黎耀祥)及丹爺(劉丹)走嚟篤我個鼻。拍《女警》時天華(謝天華)問我個樣搞乜,我咪答整容囉,劇組好多女artist都心郁,不過我唔會講你知邊個。」

相關新聞:17歲選港姐大熱倒灶陳思齊騷肉搶鏡

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載