› 選擇地區
三藩市
紐約
洛杉磯
其他美國地區
香港 台灣 北美
 
2017年04月03日

極抗拒生B點知五年抱三 劉曉彤認「少少怪獸」

劉曉彤予人活潑好動形象,於澳洲長大嘅佢,表面好似好open,但內裏卻係另一回事。睇番劉曉彤喺01年嘅一篇舊訪問,佢透露自己18歲嗰年失身,詳情佢冇講太多,只係話當時對方自稱係處子之身,佢自己又係,所以「豬」對「豬」、覺得自己冇蝕底咁話。劉曉彤話自己係無意同對方有將來先獻身,仲話生兒育女對佢嚟講真係怕怕,仲形容到好似患絕症咁。

不過,世事如棋,事隔3年,劉曉彤低調嫁畀嚴姓男友,到06年更傳出佢懷孕消息,當時劉曉彤正拍攝大台劇《搜神傳》,但佢都冇同劇組人員透露,只係拒絕咗導演吊威吔嘅要求,導演醒目估到,劉曉彤其後陸續向身邊嘅朋友報喜,只係對外佢保持低調,冇人問就唔公佈。

原以為既然劉曉彤講到生仔等如患世紀絕症咁滯,所以生一個就封肚?No喇!佢一係唔生,一生開就話要五年抱三,07年1月誕下長子後,翌年4月再誕下第二胎(係囡囡),揚言09年要唞一唞嘅佢,結果喺3年後再添1女,成功完成佢五年抱三嘅大計。

劉曉彤喺13年現身童裝店開幕時,曾表示自己冇乜戲癮,反而好投入做媽媽,自認係少少怪獸家長嘅佢仲話會教小朋友自理能力,要佢哋自己沖涼同執書包等。

相關新聞:直腸直肚易惹是非?劉曉彤宣萱好姊妹斷聯絡

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載