› 選擇地區
三藩市
紐約
洛杉磯
其他美國地區
香港 台灣 北美
 
2017年04月04日

住舊宅‧錄音室吸「靈氣」
軒仔被指「通靈」要搵師傅?

張敬軒去年斥資2千萬買張國榮同梅艷芳生前御用嘅錄音室,更豪裝休息室變成五十年代嘅懷舊火車廂,又曾住摩星嶺文物大屋Felix Villas兩年,豪花200萬整成歐陸feel,昨日有周刊指軒仔一直想開錄音室,近排成日閉關喺錄音室,上周五影到軒仔雙目無神、成個人好攰。

據報道指軒仔最近主力搞音創作,有傳軒仔同友人講過感受到錄音室嘅「靈氣」,每次喺錄音室都有音樂靈感,佢去年4月又試過將錄音位置,換上哥哥生前專用咪,枱放咗歌譜,以呢個方式悼念哥哥,而佢住大屋Felix Villas時,亦都講過屋內有「精靈朋友」,一位有「通靈」能力嘅朋友同軒仔講覺得佢住大宅最有心,又會「照顧」大屋,之但係報道話軒仔有啲黑仔,去年初胃酸倒流又聲沙,要減少接job,又曾因嚴重流感入院,澳門個唱要取消。

報道聲稱軒仔搵過李居明求助,有傳軒仔覺得個錄音室同大宅有靈異嘢,覺得有啲渾滯,本來參加大陸節目《我是歌手》錄咗一集被「叮走」,運氣似乎未有好轉,周刊問過軒仔,佢話搵李居明係講劇曲藝術,唔介意同靈界共處,覺得靈界唔會傷害佢。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載