› 選擇地區
三藩市
紐約
洛杉磯
其他美國地區
香港 台灣 北美
 
2017年04月05日

素顏全裸浸溫泉
舒淇興奮大叫Let’s Go

女神舒淇成為幸福人妻之後,並冇收收埋埋,經常都會喺IG「派軍糧」分享佢嘅靚樣同生活大小軼事,等fans可以了解多啲佢嘅生活。

前日舒淇又喺IG貼相喇,仲一口氣連貼6張相,有大頭自拍,有甜美笑容,又有單眼可愛表情,真係殺死人。而且舒淇去遊山玩水,背景係清清小溪,真係睇到人心曠神怡。

不過,女神今次真係好誠實,「執相前,執相後」嘅相一式兩樣都貼晒出嚟,即使俾大家見到啲雀斑,都唔介意,真係好大方!點解咁講呢,因為大家唔難發現到,舒淇執相後,連佢頂Cap 帽上嘅花紋都執走埋,誠實得真係好可愛呀!

有網民睇到「雀斑照」就留言:「小雀斑,可愛」、「忘了掩飾雀斑」、「美,自然美」、「陽光姐姐」等等,大部份都係正評!

身處日本嘅舒淇除咗貼素顏照之外,仲post咗條片,片中影住靚景,舒淇:「不可以喝酒,不可以穿浴衣,就是要全裸泡露天溫泉,OK!Let ‘s Go!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載