› 選擇地區
三藩市
紐約
洛杉磯
其他美國地區
香港 台灣 北美
 
2017年04月06日

【add紅人主場】
周秀娜 半熟女宣言

年齡是女人的秘密,尤其去到三字頭關卡,女人更特別敏感。周秀娜(Chrissie)於去年踏入三十接拍了電影《29+1》,戲裏戲外體會這個年紀的微妙轉變,形容自己算有少少經歷,正值半熟狀態,向來於工作上捱得又拚命的她卻不禁撒起嬌,「我唔明白點解大家覺得30歲就唔需要人錫呀。」所以話無論女人幾多歲,也是樂於被寵的,你懂的。

造型、撰文:趙潔恆
攝影:郭賢興
化妝:Circle Cheung of ndnco.co
髮型:Amber Tse of Queens Private i

由經典舞台劇改編拍成電影《29+1》,周秀娜飾演主角林若君是個能幹獨立的白領,堅強個性與Chrissie自己幾分相像,但當中有很多釋放情緒的戲份,卻令她面臨崩潰,「有好多發洩位,但我份人係內斂啲,導演要我再畀多啲力出盡力,好似有場要我喊,一roll機我對住離遠棵樹不斷大嗌同喊,連攝影師都話再唔嗌cut佢對手都會斷。」Chrissie拍攝此片亦發現自己一大弱點,「導演捉我嘅咬字,原來我有好多懶音,每次喺片場,我每講三句對白起碼NG二十幾次,係basic。因為第一次涉及咁多獨白,又要對住觀眾講,所以會執好多情緒、表情,不斷NG真係令我好多挫敗。」

感情學黎明

女人面對30歲,可能有很多外在與內在的愁緒,Chrissie說她的感覺來得遲,慢慢才逐點發現轉變,「有句對白係『其實30歲有乜好驚?』但個語氣係驚同唔驚之間,自己都唔肯定。最大感受係生活上,有朋友已經生咗BB,有啲話題你真係join唔到。」她身邊的同事也越來越年輕,更意識到自己真的升呢了,「突然間身邊的同事有20歲、19歲,佢哋做錯嘢都會原諒,因為佢哋年輕。但係我唔明呀,如果20去到29歲都可以俾人錫,我唔明白點解30歲就唔可以,可能因為大家都覺得你成熟喇。」
去到某個年紀,另一個最怕被親友問到的當然是:「你拍拖、結婚未?」Chrissie坦言媽咪都有追問過,「但係學黎明話齋:『感情嘅嘢,同見鬼一樣,都係要講緣份嘅!』我以前都會諗27歲要結婚跟住生BB,咁我40歲就係好後生嘅媽咪。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載