› 選擇地區
三藩市
紐約
洛杉磯
其他美國地區
香港 台灣 北美
 
2017年04月07日

「唔痛可以生多一個」
Miki誕大眼仔 花名LuLu

現年32歲的「餅碎」楊愛瑾(Miki),去年與永安太子爺郭永淳結婚,同年宣佈有孕,上月30日肚中「慈枯椗」搶閘出世,Miki昨早在Instagram貼出一家三口相,郭永淳單手抱B,非常熟手,BB眼仔睩睩,五官標致,還展示得戚笑容,Miki留言:「我的小東西等不及出來見世界,所以早產了。」Miki更搞笑叫囝囝做LuLu,她指囝囝早產兩周,出世時體重不足6磅,母子平安。

早產兩星期

LuLu仔出世一周,對新手媽咪Miki來說,當然手忙腳亂,Miki昨日有空即透過短訊回覆,分享新任媽咪感受:「BB上個禮拜已經出世喇!佢叫Luken,意思係『bringer of light』。」
Miki提到LuLu仔出世時情況說:「囝囝喺產房一出世就已經眼仔睩睩周圍望,好似想快啲見到我哋咁。佢出世未夠6磅,醫生話佢身體一切健康,叫我哋唔使擔心。因為BB早咗兩個星期出嚟,上星期朝早突然發現BB有想出嚟嘅先兆,成個人都變得好緊張,孭住走佬袋入到醫院。我一直都好擔心順產究竟係點,好在醫院嘅醫生同護士大家都講解得非常專業,所以過程一切都非常順利,冇我想像中咁痛苦。生完嗰一刻,我仲即刻講笑咁同老公講『咦!可以即刻生多一個喎』!」

鄧麗欣恨見

順產的Miki已經出院返家坐月,她也開始忙碌湊B生涯:「𠵱家返到屋企,每日都好忙,好多嘢要學,所以同大家報完喜之後我哋又要繼續努力喇!多謝大家嘅關心。」Miki一索得男,餅碎區文詩昨在電話中說:「探咗BB啦,好恭喜佢哋,好幸福,我探佢哋時BB瞓緊覺。不過都睇到樣子精緻、眼好大,同爸爸媽媽都似樣。」她表示送了實用嬰兒用品作賀禮。
另一餅碎鄧麗欣昨也說:「我未探BB呀,好開心,見到BB相好搞笑、好得意,未見過BB一出世對眼咁大,好想見真人。」吳雨霏都讚BB可愛,她同樣忙錄音未探望。
採訪:陳杰、皓騫

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載