› 選擇地區
三藩市
紐約
洛杉磯
其他美國地區
香港 台灣 北美
 
2017年04月07日

97金融風暴失200億
大劉:點會唔怕輸

【劉鑾雄講大劉】
【連載系列之九 果斷轉型】劉鑾雄(大劉)於40年前由做風扇廠起家,至今財富估計有1,200億,躋身成香港十大富豪,多年來他從商之路經歷過高低起跌,日前他接受本報獨家專訪時坦言:「我絕對唔係一個成功嘅富豪。」

天文數字買機器

大劉後生做生意開風扇廠時已見膽識,別人最大的風扇廠用6萬呎廠,他夠膽投資買4、50萬呎廠房:「投資機器先係天文數字,用咗3、400萬成本開間工廠,總投資超過2億幾,高峯期工人約有萬幾人,投資咁大冇回頭路一定要去。」當年大劉的風扇廠一年賺幾億,更是全港唯一一間廠房有美國安全資格,所以定單接不停,令大劉儲得第一桶金,不過經營了6、7年,因純利由每年幾億跌至2、3%純利,他即果斷轉投地產及金融業生意,於96年以超過36億元高價將娛樂行賣給希慎,但於97金融風暴一鋪輸清。
染指金融、外國債券的大劉,上落贏錢注碼高達5,000萬到1億美金,他笑言:「我點會唔怕輸啫!你估我打得呀!不過一個人食得鹹魚抵得渴,去賭場賭錢都唔會包贏,贏錢全憑自己經驗判斷!」投資多年,大劉曾於97金融風暴輸200億,不過在08年環球金融海嘯時,把握在雷曼爆煲前急流勇退套現不少資金,之後再大肆出擊獲利,令他贏了400多億。

「健康係最大財富」

提到外界指大劉身家被低估時,他表示不敢評論:「我絕對相信頭嗰20個身家係俾人低估咗。」大劉坦言年紀漸大,心境亦有轉變:「中國人有句說話『健康係最大財富』,真係啱嘅,俾你賺幾多嘅錢,但如果過兩日就拜拜,咁又有乜意思?錢有機會就搵,但唔需要刻意,都已經夠食夠着,唔需要去爭做第幾富豪,我要引述好多人講『我心中富有咪得囉!』」
採訪:陳月媚
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載