› 選擇地區
三藩市
紐約
洛杉磯
其他美國地區
香港 台灣 北美
 
2017年04月11日

老婆嘆完雪糕生
黎諾懿抱6磅仔「樣似我」

現年36歲黎諾懿大前年光棍節迎娶家族坐擁5億身家、曾參選07年港姐的李潔瑩(Nicole),「五億駙馬」黎諾懿昨日再升呢做爹哋,老婆Nicole為他剖腹誕下6.6磅重男嬰,母子平安。

感謝老婆辛苦

黎諾懿夫妻去年造人成功,他們更為囝囝改花名「小春雞」,Nicole的預產期在本月中,不過「小春雞」急不及待昨日出來一家團聚。黎諾懿昨日陪老婆入產房,更把全家福靚相貼Instagram分享,他留言:「神之子——小春雞正式降臨人間。」
剛生完囝囝的Nicole精神很好,擁子入懷一臉幸福,黎諾懿公開答謝Nicole:「老婆辛苦你。」其後還上載產前產後直擊老婆的短片,黎諾懿先拍了前日Nicole產前嘆雪糕,跟着餓着待產,他則向鏡頭訴說緊張心情,轉眼就見「小春雞」出世了,他眼仔睩睩萌爆。

「第一胎想順產」

一索得男的黎諾懿昨接受傳媒訪問時說:「老婆本來堅持順產生,但周五突然覺得少少唔舒服,感覺同平時唔同,所以即刻搵醫生檢查,醫生話老婆就生得,但BB頭未入產道,建議開刀生。老婆第一胎好想順產,但早兩星期BB仲未調頭,都估到有機會開刀,前幾日醫生話如果堅持都尊重,但可能會生得辛苦,所以最後決定開刀。」
問到黎諾懿可有剪臍帶?他說:「有入產房,但係冇剪臍帶,因為怕血淋淋感覺,同埋怕自己整親佢哋,所以都係交番畀專業人士做。」到底覺得「小春雞」最似誰?他說:「親友話囝囝似老婆,但我就覺得似自己。」
採訪:小米

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載