› 選擇地區
三藩市
紐約
洛杉磯
其他美國地區
香港 台灣 北美
 
2017年04月15日

接妻兒出院
黎諾懿笑囝囝小春雞射程遠

現年36歲的「5億駙馬」黎諾懿,本周一獲太太李潔瑩(Nicole)為他在跑馬地養和剖腹誕下6.6磅囝囝「小春雞」,昨日兩公婆帶着囝囝出院返家團聚。

頭髮多眉毛密

昨午3時許,黎諾懿接Nicole出院,他負責抱着小春雞,小春雞五官標致,頭髮多,眉毛也濃密,黎諾懿說:「護士話囝囝頭髮多,所以每日都set唔同造型,護士仲話囝囝抱出街,係人都認到佢係馬壯(劇集《愛.回家》角色)個仔。」他雖然覺得囝囝長得像自己,但其實也似太太:「似老婆好,男生女相靚仔啲。」
黎諾懿表示跟老婆有共識,暫時為囝囝中文名揀好最後一個字,他說:「用個『睿』字,中間嘅字仲要諗,再交畀師傅揀,希望下周可以完成,英文名會等中文名改好夾番,英文我只識A到Z,我改囝囝做『小春雞』,你哋都知我文化水平有幾多,英文名交畀太太改。」

自嘲好似智障

新手爸爸黎諾懿自爆學懂了掃風和換片,小春雞前日更「斟茶」給老竇,黎諾懿說:「噚日換片,佢終於『斟茶』畀我,我打開尿片,一條水柱射出嚟,射中我,又射中囝囝自己臉同身,佢好有料到,冇諗到一個小朋友力量咁勁,我冇佢咁有射程,太太都話我應該用嘢墊住囝囝塊臉。」他表示當時手忙腳亂未有拍片,並指這五日學湊B,結果一樣都學不好,自嘲似智障。
黎諾懿透露下周復工再拍無綫節目《馬家開飯》,下月7日開新劇,其間會爭取時間陪老婆坐月兼湊仔:「我今日終於成功抱住佢瞓唔喊,我今日抱佢落𨋢時,都同佢講要畀吓面,落到去唔好喊,否則記者朋友以為我好生手,估唔到囝囝好合作。」
採訪:曹家誠 
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載