› 選擇地區
三藩市
紐約
洛杉磯
其他美國地區
香港 台灣 北美
 
2017年04月20日

梁洛施誕3子
李澤楷女友國籍多籮籮

小小超李澤楷身為城中鑽石筍盤,想埋佢身嘅女性當然多過天上嘅星星,多年來,小小超嘅緋聞女友多到數唔晒,但獲佢公認嘅就唔係咁多。首位係因採訪結緣嘅日本記者真正加留奈,有指1992年,加留奈因訪問小小超而結緣,兩年後兩人正式拍拖。加留奈嘅爸爸係哲學教授,媽媽則喺東京某女子大學任教,加留奈本身係美國哥偷比亞大學新聞系碩士,成家都係知識份子。戀情於1998年告終。

第二位獲小小超公認嘅女友,係喺佢公司電盈結織嘅「盈科之花」林慧儀(Karen),99年小小超被發現同Karen睇戲而揭發戀情。家中開製衣廠嘅Karen,喺澳洲讀書,學成歸來後入職電盈,可惜兩人聚少離多,小小超忙於工作,冇乜時間陪女友,Karen唔想一味等,決定斬纜分手。之後小小超喺06年左右戀上混血兒羅愛欣(Rachel),小小超對於呢段戀情,相對地高調,不時同女友齊齊出席公開活動。

再之後就到影后梁洛施(Isabella),兩人戀情喺08年3月初曝光,同月Isabella發律師信畀當時經理人公司英皇娛樂,有傳係小小超幫佢解約續身。Isabella雖然學歷唔高(中一輟學),但佢同小小超嘅「進度」卻係最快嘅一位,Isabella幫小小超先後誕下三子,包括今個月底將滿8歲嘅李長治、以及現年6歲幾嘅雙胞胎囝囝H&N,不過兩人嘅感情到11年2月底劃上句號,梁洛施發聲明宣佈正式分手,再強調將同小小超共同撫養3個囝囝。

其他曾同小小超傳過緋聞嘅仲有喺11年5月被拍到與26歲天水圍小花梁雯影(Kirsten)同遊新加坡,以及喺同年被發現於中環相約名媛好友葉梁美蘭嘅姪女梁芳(Ella)等,另外仲有已經泊咗「洗米華」周焯華碼頭嘅Mandy Lieu,惟小小超表示唔識對方。

相關新聞:【無聲約滿】富貴離無綫

緊貼「蘋果VR」熱潮,打開雙眼隨意門,讓「蘋果VR」陪您探索新世界: https://goo.gl/b5RQAB

「蘋果VR」App
App store下載: https://goo.gl/0kW2cK
Google Play下載: https://goo.gl/4K7EHw

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載