› 選擇地區
三藩市
紐約
洛杉磯
其他美國地區
香港 台灣 北美
 
2017年04月26日

阿占厭扮女人:原來仲有人笑
Donald一朝得志 險遭炒魷

艾粒成軍15周年,下月在麥花臣舉行「艾粒拾伍年開光大典」紀念騷,甄子康(少爺占)和唐劍康(Donald)回顧15年搞笑生涯,總是有厭和倦的時候。早前艾粒接受「蘋果動搞作」訪問,少爺占說:「有一刻真係唔想再扮女人,因為之前扮得太多,直到舊年再扮番,先發現自己原來係鍾意扮女人,哈哈。其實心底嗰句係,自己諗通咗,發現原來咁多年都仲有人會笑,所以就豁然開朗,繼續扮喇。」

陳輝虹鏟鑊甘

Donald回想當年的人生低谷,是初入行的時候,俞琤和陳輝虹都落令要炒他,他說:「我人生最低潮,但又係最好嘅反彈位,就係我年輕時,個人升職之後就一朝得志,淨係會播自己鍾意嘅歌,唔得全面,TY(俞琤)聽完,就話『呢條友唔得呀,炒咗佢啦』,係其他同事支持我留低。」Donald續說:「我之後見返陳輝虹先生,我有同佢講多謝,因為如果唔係佢兜口兜面鏟我一鑊甘,我係唔會識長大。」

唔夠瞓會爆喊

艾粒訪問中自揭「死穴」,少爺占會因為睡眠不足爆喊,Donald最討厭人笑他矮,Donald說:「我成日覺得佢地係背後叫我矮仔,你哋唔會明,啲新人又唔尊重我,叫我矮奴!」少爺占聞言笑至人仰馬翻,他說:「唔好講笑,之前陳可辛都講過,成日覺得人哋笑佢矮,而呢樣嘢係令佢造成好大壓力,所以你唔好諗,去醫醫佢。」
拍檔可能是一生一世,一切可以重來的話,他們都會選擇對方,Donald說:「我覺得少爺占係個快樂天使,佢會令身邊嘅人好開心,如果未同佢拍檔過,我一定會揀番佢,但因為我已經試過,所以可以留畀大家試吓,享吓呢個福。」
採訪:倩宜
攝影:沈健程
髮型:Johny Wu@hair corner
化妝:Krisie Wong
場地提供:BALLROOM

難得生性暴龍哥創科眾籌夢,遭隱世肥報販秒殺! https://goo.gl/hnEB7D

「蘋果VR」App
App store下載: https://goo.gl/0kW2cK
Google Play下載: https://goo.gl/4K7EHw

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載