› 選擇地區
三藩市
紐約
洛杉磯
其他美國地區
香港 台灣 北美
 
2017年05月07日

搞網購被投訴呃Fans錢
翠翠嬲爆:我阻住佢做生意

上月誕下囝囝的葉翠翠不時在社交網分享扮靚心得,最近更轉做KOL搞網購,上月開帖表示聯絡了廠商,可幫fans以折扣價訂購3款護膚神器,本報收到讀者投訴,質疑翠翠欺騙fans的金錢:「葉翠翠幫fans訂貨話冇賺錢,實在太過份,她說的產品大約800元至1,000元,而且不會收任何費用,會免費寄給fans們,包括運費,哪有可能她可以完全免費為fans服務?如果每樣產品,她可以賺到100元至200元,已經賺到笑!」

相關新聞:陸詩韻晒Bra做生招牌陳倩揚專攻媽咪賣天然用品

有人刻意扭曲

日前本報向翠翠了解,她表示:「我諗佢係嬲我冇幫佢買,因為嗰件產品真係好受歡迎,自己要照顧囝囝小王子,我冇時間覆到咁多人,又或者係可能我阻住佢做生意,因為我個page成日幫fans攞優惠,可能咁啱係開正佢個範疇。其實都好奇怪,件事又未發生,錢又未收,但又會有人咁樣做,相信佢應該係別有動機。」
翠翠覺得有幾點要澄清:「我介紹好好用嘅黑眼圈護膚品,叫fans自己上網買,點知100個買完100個都話買唔啱,產品原來變壞咗冇效,有網店仲用我名義介紹,但其實我根本冇用過,所以自己搵廠商,但廠商話已經冇賣,就算𠵱家好多人話我賺一、二百,好似知道係呢隻,根本其實佢唔知,因為廠商兩年前已經冇賣,同埋我一早講咗連運費,所以啲人刻意扭曲,呢個真係冇辦法。」

公眾人物要忍

餘怒未消的翠翠,昨凌晨到早上接連在社交網反擊:「這世界甚麼人都有,只要做好自己就可以了。請大家放心,我不會因一個怪人而影響咗」、「在娛樂圈咁耐,每次只係有人講冇我講,做公眾人物第一件事要學的就是忍!我都係一個普通人,都有父母,都有感受,都只係一個普通媽媽,同你一樣,買嘢想有優惠。」不少fans都留言撐她。
採訪:小米

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載