蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年05月08日

遺孀以夫為傲感激袁潔儀
曾守明阿Sir長存

37,930

無綫「御用警察」曾守明(Raymond)上月23日在廣州一間酒吧登台時突暈倒猝死,終年58歲,家人昨日在紅磡世界殯儀館為曾守明設靈,今日大殮後遺體會進行火化。曾守明靈堂上掛上「德範長存」橫匾,並以曾守明早年劇照作遺照。
曾守明太太邱淑芬與兒子曾忠燁昨日接受傳媒訪問時,心情看來已平復下來,曾太表示感激各方好友幫忙,特別要多謝袁潔儀,曾太說:「佢喺當地聯絡公安,為我哋東奔西跑,呢樣係Raymond積出嚟嘅福。𠵱家希望Raymond去到第個地方之後可以做佢喜歡嘅事。」

想仔入紀律部隊

曾太表示他們沒宗教信仰,所以喪禮採維新教儀式,大家可以在靈堂以任何形式向死者致意。問心情是否平復時,兒子忠燁說:「仲有少少掛住爹哋。」曾太則謂:「當執Raymond嘅嘢時都勾起好多嘢,我都好proud of Raymond,建立咗好多好嘅relationship。」並指遺照是家人揀選的無綫劇照,覺得很有「阿Sir」形象。曾守明可有遺願?曾太說:「佢好想個仔畢業之後加入紀律部隊,不過都要睇阿仔意願。」
曾擔任輔警的曾守明生前人緣甚佳,無綫前行政主席梁乃鵬、歐瑞偉、陳啟泰、宣萱、曾醒明、錢小豪、袁潔儀、羅樂林、劉江和黃浩然等昨前來鞠躬,而錢嘉樂、羅仲謙、楊怡和胡杏兒等則送上花圈。袁潔儀昨表示當日收到無綫藝員科訊息希望她幫忙,她說:「嗰日我約曾太去當地公安局會合,咁啱我嗰幾日休息喺廣州,唔係啲乜嘢,識唔識都應該要咁做。我都從中學習香港人喺內地出事應該點處理,我同我先生講,有乜事我都要返港。」

歐瑞偉辛苦難受

當日跟曾守明一起上廣州的歐瑞偉昨感慨說:「我心情平復咗,最辛苦係一齊上去,一齊返唔到落嚟,好難受。」他指當日跟曾守明一起登台的鄭家生日前60大壽,昨日未能前來,已代他上香。
採訪:卓寶花
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載