› 選擇地區
三藩市
紐約
洛杉磯
其他美國地區
香港 台灣 北美
 
2017年05月09日

離開舞台逾二十年
梁雁翎開騷腳震變喊包

梁雁翎前晚在旺角舉行演唱會,她自言站在台上十分緊張。

現年51歲、90年代「卡拉OK皇后」梁雁翎前晚於旺角麥花臣場館開騷,醫生老公William、前飛圖老闆葉志銘、向海嵐等都有撐場,並邀請好友單紫寧及譚日康任嘉賓。

紀念鄧麗君

梁雁翎穿上黑色低胸露腿裙獻唱《情長路更長》揭開序幕,之後她以半鹹淡廣東話說:「唱第一首歌時,我已經緊張到腳震,我講喪語(雙語),我離開咗香港樂壇二十幾年,大家有冇掛住我?我呢個年紀嘅人好少衝動,但大家都後生過,有冇去唱過卡拉OK?我以前被封『卡拉OK皇后』,大家覺得我今晚嘅造型似唔似皇后?我同大家共同成長,睇吓我帶唔帶到大家返回年少輕狂嘅時光。」
前日是鄧麗君忌辰,梁雁翎和單紫寧合唱《月亮代表我的心》紀念一代歌后,到梁雁翎獨唱《掌聲響起》時感觸落淚,最後以經典金曲《像霧像雨又像風》結束演唱會。

感激前老闆

完騷後,梁雁翎受訪表示感激前飛圖老闆葉志銘到場支持,但感慨指對方已認不到人。她說:「三年前同佢食飯見面,當時仲認得人,但近年身體轉差,出入都要太太同囝囝陪住。」梁雁翎續說:「佢對我嚟講好重要,係我人生中提攜我嘅伯樂,所以一定要請佢嚟。人生好似好快過,嗰時我哋後生一齊打拼,現一轉眼就二十幾年,人生有幾多個二十幾年呢?」
採訪:王連連
攝影:陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載