› 選擇地區
三藩市
紐約
洛杉磯
其他美國地區
香港 台灣 北美
 
2017年05月12日

趙勁皓:母親係最偉大
DaDa感覺囡囡打針好痛

DaDa與King初為人父母,對湊BB的體會是感動多過辛苦。

【母親節系列之新手爸媽】盧頌之(DaDa)和趙勁皓(King)今年誕下愛女安嵐,乳名踢踢,談到踢踢的出處,是因為在肚中經常起腳踢摸她的King而來。兩人已計劃在囡囡百日宴當日註冊結婚,令到今個母親節更具意義。

相關新聞:鄭文拍親子片紀念

以女兒為先

初為人母的DaDa講到湊BB的趣事,即顯得眉飛色舞,但估不到的是在產後曾患上抑鬱,她說:「我諗個個新手媽咪都有呢個情況,對住一個新生命束手無策,身體未復原,心情未ready,頭一星期每餐飯都喊,好想照顧好BB,但又無能為力,心情好複雜,好需要老公陪住。」她自言生B後放下任性,一切以囡囡為先,男朋友King對此體會最深,他說:「𠵱家去街會推住BB車兼拎住一袋二袋BB用品,甚至以前我都大使,但係𠵱家冇乜購物慾,所有嘢都盡可能畀BB。」
DaDa續說:「陀B嗰陣冇乜特別,到出咗世,由細細粒變到有重量,嗰種感覺好神奇。有一朝早BB認得我望住我笑,嗰吓佢畀到我感覺係佢好需要我,我好感動。」自踢踢出世後,DaDa笑言手袋亦同時淪陷,只有放電話及銀包的位置,其餘地方都給女兒的日用品佔用:「我仲記得第一次帶BB去打針,第一次感受到切膚之痛,打針時我哋兩個互相抱住,BB勁喊,覺得好陰功、好痛。」

湊B現分歧

King試過與DaDa在湊BB時現分歧,他說:「正如要搬出嚟買樓住,但又唔畀你返工。我知道做母親生仔係最偉大,我尊重對方,盡可能唔會去鬧交。」
採訪:卓寶花
攝影:沈健程
場地提供:Unique Cafe & Kitchen(觀塘)

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載