› 選擇地區
三藩市
紐約
洛杉磯
其他美國地區
香港 台灣 北美
 
2017年05月18日

要學唐詩詠成為「絕世好女友」有乜條件?

要成為「絕世好女友」,首先,笨唔係要有一個男友,而係要裝備好自己,咁就可以隨時ready做個好女友,正所謂「機會係留畀有準備嘅人」。之但係,唔係人人都是唐詩詠,咁睇吓唐詩詠有乜嘢條件,大家可以參考吓。

忍得
睇唐詩詠較為人知嘅一段戀情,同崔建邦拖拉8、9年先斬纜,拍拖期間,崔建邦多次被揭偷食,唐詩詠都原諒佢七十個七次,到最後忍無可忍先分手。所以話,做女友要善解人意,但又當然,喺適當嘅時候,要識得嗌唔好,唔係一味死忍就叫好,但亦無謂嘢嘢都嘈交,始終傷感情。

識得
唐詩詠另一樣好,就係好人緣,計埋佢做兼職模特兒年代,佢喺圈中發展就快20年,識埋識埋唔少大大小小嘅演員好友,視帝級嘅黎耀祥、鄭嘉穎、視后級嘅田蕊妮、胡定欣等,仲有合作多次嘅黃宗澤、馬國明、王浩信等,朋友多自然識得相處之道,有呢啲女友,帶佢出去見世叔伯都冇有怕。

煮得
今時今日,無論為健康定為銀包着想,點都要識煮番兩味。唐詩詠出得廳堂,亦入得廚房,洪永城曾公開表示試過女方嘅手勢,大讚叻叻讚,佢當時仲話係食咗烤三文魚,西餐比較多。如果以有情飲水飽嚟講,咁唐詩詠絕對唔會餓親另一半。

相關新聞:【兩男比拼】洪永城盧啟邦鬥花弗

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載