› 選擇地區
三藩市
紐約
洛杉磯
其他美國地區
香港 台灣 北美
 
2017年05月19日

心穎馬國明 睇戲促進感情
戥唐詩詠可憐

【觀塘】馬國明契妹唐詩詠與洪永城拍拖兩年半分手收場,被指與周焯華(洗米華)愛將盧啟邦暗撻一個月,前晚她接受記者訪問時落淚否認,同時呼籲外界不要將契哥馬國明擺入她的感情世界。馬國明前晚亦有外出,與黃心穎去觀塘apm睇戲,當晚10時許,馬國明與戴住口罩的心穎離開,二人邊行邊玩電話,其間更有密斟,馬國明更想拖她的手。

相處舒服

搭電梯去攞車時,心穎提高警覺四圍望,更眼利發現傳媒,即企圖避開鏡頭左閃右避,記者問到馬國明是否有留意詩詠的新聞,他表示:「已經回應咗,唔再講。」再問心穎是否睇戲拍拖?馬國明護花代答:「已經影過好多次睇戲,冇乜特別。」之後,他先送心穎返家,然後離開。
心穎昨日在中環出席香港小姐宣傳活動,表示兩人是普通正常約會,提到與馬國明關係時,她表示:「未正式一齊,現時仍然係朋友,相處舒服。」問到馬國明心思思想拖她手,她說:「應該冇!冇手拉手、冇牽手,只係行路行得好埋,因為環境好嘈,同埋我又戴咗口罩,所以講嘢嗰陣會近一啲聽。」

唔會過問

問到詩詠分手一事,心穎表示:「佢哋係好朋友,但係我唔會問,都想詩詠可以心情平復,睇到報道覺得佢喊得好可憐,女生喺呢一行成日被人咁寫。」對於網民想撮合馬國明追詩詠,心穎說:「我又唔會唔開心!其實我細個都有呢個諗法,好鍾意嘅男演員同女演員,好想呢個同呢個一齊,大個咗就知大家有各自生活,現實同想像係兩樣嘢,我唔會因為呢件事唔開心。」
採訪、攝影:梁繼光、羅德光

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載