› 選擇地區
三藩市
紐約
洛杉磯
其他美國地區
香港 台灣 北美
 
2017年05月23日

《春嬌》票房破3,000萬
千嬅屈余文樂萬歲

千嬅(右二)前晚現身《春嬌》慶功宴時,揚言要屈余文樂請食飯。

楊千嬅、谷祖琳、邵音音、林兆霞、陳逸寧、導演彭浩翔及林建岳,前晚在銅鑼灣出席《春嬌救志明》香港票房衝破3,000萬慶功宴,缺席的男主角余文樂卻在Instagram貼出陽光與海灘的相片,千嬅代為解畫:「佢去拍嘢吖嘛,好似拍廣告。唔緊要啦,因為佢返到嚟都係屈佢請食飯。我哋估票房收幾多,估唔中就攞一萬出嚟請食飯。我估4,200萬,樂仔估4,500萬,導演估4,800萬,總之佢就要攞一萬出嚟請食飯啦!」彭浩翔笑謂:「有冇搞錯呀,慶功都唔嚟,離晒譜!」

彭浩翔嘲老

《春嬌》出現過專吃小女孩的怪物「趷趷剛」,彭浩翔笑言趷趷剛角色適合樂仔主演:「啱佢做喎,仲要去台灣取景,如果7日食唔到細路女就變怪獸,食到就變番余文樂。」他直言不會再拍《春嬌》系列,現正籌備拍13集電視劇,千嬅聞言即謂:「我要扮細路女。」彭浩翔笑說:「咁到時講趷趷剛食完你都變唔番余文樂,因為你唔係細路女。」

紅館過生日

千嬅被問因劉德華受傷取消紅館演唱會,有不少歌手虎視眈眈空出的檔期,其中薛家燕更開口叫千嬅讓路給前輩,千嬅說:「千祈唔好咁講,公司都幫我申請咗,但係未有消息。其實我都唔會攞咁多,我都唔係咁貪心,總之夠幾個人做。本身諗住申請個期,自己生日可以喺紅館過,不過唔知有冇變動,如果唔中咪下年,一定會屈余文樂上台。」
此外,谷祖琳在戲中有不少粗口對白,她笑說:「導演將佢嘅性格投射喺我哋身上,奶奶睇完都話OK嘅,拍戲啫。」
採訪:黃曉妍
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載