› 選擇地區
三藩市
紐約
洛杉磯
其他美國地區
香港 台灣 北美
 
2017年05月24日

司棋姐扯甩Bra大犧牲
刻薄盧宛茵揀女婿

講起黎宣,自細睇TVB 長大嘅觀眾一定會feel到母愛,因為佢好多角色,都係演人母,好多演員都做過佢啲仔仔女女、甚至係孫仔孫女。TVB一年咁多處境劇,為咗迎合女士們,都有好多戲份俾專職媽媽嘅女演員發揮:

李司棋
經典媽媽級演員就有66歲嘅司棋姐,佢喺喺《真相》入面大犧牲,被老公王青強迫拍裸照,一番掙扎過後地上仲多咗個敗圍,如此重口味,司棋姐都唔抗拒,絕對係「為藝術而犧牲」嘅另一種演繹方式。

李香琴
琴姐從影多年,喺粵語片時代已經有唔少演出,轉到大台拍劇就演過多年長者角色。喺《溏心風暴之家好月圓》入而,就改句司棋姐嘅金句變成「唔使驚,嫲嫲喺大廳」,保護一班孫仔女。不過同琴姐合作多年嘅譚炳文,早前就透露過琴姐自年前中風後,就唔係好認得人,令人欷歔。

盧宛茵
盧宛茵最煞食嘅,係佢啲師奶角色,一副市井小婦人嘴臉,演出煩起上嚟好麻煩,慈母起嚟又可以好有愛。要數到佢最多人知嘅「母親」,反而唔喺大台,而係幫網民拍「公屋潮文」段片,勢利性格直頭可以拎金像獎女主角。

陳曼娜
陳曼娜愛女Joie上年同老公Dicky結婚,話咁快就有喜,幫陳曼娜升呢做外婆。嚟緊會播個套《蘭花劫》,曼娜姐就演陳錦鴻媽媽,角色名話就話叫「言梁淑德」,不過全心想操控阿仔,工於心計,呢個阿媽認真就唔簡單。

相關新聞:【好戲慈母】咒丁蟹死無全屍

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載