› 選擇地區
三藩市
紐約
洛杉磯
其他美國地區
香港 台灣 北美
 
2017年06月07日

郭少芸選美有獎攞
演「巴渣」角色最拿手

郭少芸92年選完港姐,但唔經唔覺原來已經加入咗大台廿幾年,鮮有機會做女主角,最有印象肯肯定係《大鬧廣昌隆》嘅「倀雞英」。雖然話就話歲月催人,郭少芸亦由呢啲巴渣角色,變身成為o依家嘅醒目孻姑。

當年郭少芸喺舞台上同嘉賓郭富城跳過舞,可惜三甲不入,原來令佢無緣獎座嘅幾位佳麗,o依家好多都冇再喺娛樂圈。先講冠軍盧淑儀,當選後同李克勤拍拖,06年結婚,仲生咗兩個寶貝仔,專心做湊仔婆,啱啱3月就為細仔Rex慶祝7歲生日。

亞軍劉殷伶喺郭富城嘅音樂特輯合作過,之後極速息影返咗美國,而季軍張雪玲就投身美容界。同屆嘅選美姊妹花李思林同李秋林,選完港姐之後同妹妹李玟唱過一首《我的翅膀》,11年李玟同樂裕民(Bruce Rockowitz)結婚,思林同秋林都有做姊妹。

呢屆港姐,仲有位好突出嘅人物-梁思敏。佢落選後拍過一部三級片《情不自禁II之霎時衝動》,其中一幕陶大宇為佢除Bra,成為第一個三級片港姐。

相關新聞:郭少芸開餐𤷪𤺧吐苦水

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載