› 選擇地區
三藩市
紐約
洛杉磯
其他美國地區
香港 台灣 北美
 
2017年06月08日

幫日本遊戲app唱主題曲
星星兔靠個「罩」衝出香港

曾簽下日本經理人公司,成綾瀨遙師妹的香港蒙面歌手星星兔,早前再次簽下日本經理人公司,並獲邀為一個日本手機遊戲獻唱日文主題曲。

其實星星兔數年前亦,當時正打算拓展日本市場的她,最後卻因私事而未能如願:「因為當時香港發生咗啲事,所以就返咗香港,之後就諗住係香港建立咗個基地先,所以就留咗喺香港。」

於香港當歌手並不容易,為了養着這個夢想,星星兔開始設計周邊產品,豈料周邊推出後反應不俗,甚至人氣比星星兔本尊還厲害,她說:「好多商店都會見到我嘅產品,變咗好多人淨係會接觸到我嘅產品,但未必會接觸到我嘅音樂,所以今年要加油,希望將我多啲創作同音樂帶出嚟俾大家認同。」

曾經話過唔會除低頭套以真面目示人,問到星星兔依家諗法有冇變?佢話:「我依家開始除低頭套,因為日本經理人公司想我走口罩女呢個形象,佢哋覺得頭套可以係商品化,因為嗰個cute啲。」

試過將自己個3D公仔升上太空,今年星星兔又有新諗頭,佢正計劃打破健力士世界紀錄,打造一個地上最大嘅地燈:「好多人唔知星星兔個頭套係用燈罩做成 ,着咗燈之後其實代表夢想、希望同光明,我哋上完太空之後,好希望做一個全球最大嘅地燈去打破健力士紀錄,不過打造一個咁大嘅地燈係需要資金,截至到現時為止,暫時未搵到一個好有興趣呢個project,一齊合作去做嘅單位。」

記者:倩宜
攝錄:馮峰、Neo

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載