› 選擇地區
三藩市
紐約
洛杉磯
其他美國地區
香港 台灣 北美
 
2017年06月08日

煙韌蜜遊新加坡
郭嘉文撒嬌樹熊抱抱李澤楷

【爆相爆片】現年50歲的鑽石級富豪王老五李澤楷身邊女伴車輪轉,去年情人節上場的15年度港姐季軍郭嘉文,早前離開無綫後專心做跟得「楷女郎」,日前着牛仔短裙騷長腿陪李澤楷蜜遊新加坡,被當地華僑讀者千小姐透過「爆相爆片」分享,郭嘉文更樹熊上身攬着李澤楷撒嬌,煙韌到暈。

相關新聞:拍拖冇耐就約滿郭嘉文同梁洛施一樣要專心拍拖?

沿途有講有笑

日前千小姐接受電話訪問表示,當日傍晚6時許,她經過位於Chinatown的Park Royal酒店,見到李澤楷和郭嘉文攬着行過,千小姐說:「當時佢哋身邊都冇保鑣,初時冇為意佢係李澤楷,因為冇戴帽又冇戴黑超,不過佢哋好似行錯路,當佢哋行返轉頭時,就清楚認到係李澤楷同郭嘉文,佢哋有講有笑好開心,之後郭嘉文見到我影相,佢就刻意扮玩手機,反而李澤楷好似冇留意到。」
郭嘉文似乎好鍾意着粉紅色,繼上月中着粉紅衫陪李澤楷到香港木球會,這日再以迷人pink lady襯牛仔裙,而李澤楷就着白色polo恤襯牛仔褲,雖然兩人年紀相差26年,但打扮十分合襯,身為名人的李澤楷毫不避忌,親熱地搭着郭嘉文香肩浪漫街頭,當兩人停下等過馬路時,郭嘉文更變身樹熊撒嬌,雙手箍實李澤楷投懷送抱,表現跟一般情侶無異。

回應只談公事

李澤楷和郭嘉文於兩個月內已三次被捕獲拍拖,記者聯絡李澤楷問到是時候公開戀情嗎?他以英文短訊回覆:「抱歉!只問有關公事問題吧。」轉問今次到新加坡是否公幹?他表示:「對不起,正在食午餐。」完全避答感情問題。
採訪:皓騫

相關新聞:歐家裕嫁百億太子爺徐子淇做李家新抱誕兩子兩女

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載