蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年06月15日
馬上成為壹會員

得罪TVB高層冇運行?
馬蹄露拒扮黃夏蕙被雪藏9個月

大台八九十年代仲係香港電視嘅龍頭,當然係惡啲啦!當年喺大台力捧嘅藝人,現時好多都已經係天王天后、影帝影后級,不過如果得罪佢哋都真係冇運行!

劉德華
眾所周知劉德華喺大台出身,佢當年出道冇耐即被力捧,仲主演過唔少劇集,不過喺85年大台想同佢續簽5年約,不過當時劉德華人氣上升,想將合約年期減短,仲因為咁得罪高層,被大台雪咗超過1年。

王喜
被視為「迷雲黨」嘅王喜,同前大台高層陳志雲非常之咁老友,不過佢同另一位大台高層樂易玲似乎唔係咁啱傾喇!事關佢當年同大台約滿,曾經喺社交網炮轟對方。

陳倩揚
09年港姐陳倩揚加入大台之後,主力擔任《東張》主持,不過早年有傳大台高層起用「有線幫」,而陳倩揚冇得留底,被叮後,佢曾經喺社交網站發功。有指因為咁,有唔少劇集同綜藝節目監製都收到通知,唔可以錄用陳倩揚。而佢亦喺16年8月離開大台,之後仲接受訪問講返大台情況。

馬蹄露
有傳馬蹄露當年大台喺一個搞笑節目叫佢扮黃夏蕙,點知佢就直接拒絕,咁就得罪高層,仲俾藝員科捉咗去「照肺」,結果仲被雪藏9個月,當時馬蹄露仲諗過想離開娛樂圈。

相關新聞:紅的見證收藏報刊

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載