› 選擇地區
三藩市
紐約
洛杉磯
其他美國地區
香港 台灣 北美
 
2017年06月19日

開完餅店開茶記 黃寶欣希望開多幾間啦

今年50歲嘅黃寶欣,喺80年代同鄭敬基合唱《酒杯敲鋼琴》而熱爆K場,不過喺97年退出娛樂圈做咗人妻後鮮有露面,直至14年現身老友鄭敬基嘅演唱會做嘉賓,冇耐仲同朋友合資搞生意,喺九龍城開咗間「酥妃皇后」,原來佢已經結束20年婚姻,回復單身嘅黃寶欣,一切重新開始!

前日《蘋果》路經九龍城,發現寶欣不停喺餅店同隔離一間茶餐廳穿梭,茶餐廳內雖然坐咗唔少人,但門外就貼住未營業嘅告示,佢喺餐廳裏面指手劃腳,又同啲店員同埋啲食客喺度密密傾,似乎係收集緊意見!記者趁寶欣返回餅店時上前問佢,係咪開咗茶餐廳,再做老闆?佢亦大方承認:「係呀!(獨資?)唔係,係集團一齊做嘅!(投資幾多錢呀?)唔講錢喇!」

問寶欣舖頭有乜招牌菜?佢都好保密咁話未講得,話只係招呼啲朋友俾下意見,星期一先至會正式開業。事後《蘋果》再打電話俾寶欣,佢就話呢排都好忙,因為舖頭好多嘢要準備。

講到呢間走懷舊風嘅茶餐廳,寶欣話:「我哋呢間『茶檔』其實喺大陸已經開咗,香港就係第一間,咁一定希望將來可以開多幾間啦!」問她擔不擔心會好辛苦?寶欣就話:「做嘢一定要親力親為,辛苦啲都要。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載