› 選擇地區
三藩市
紐約
洛杉磯
其他美國地區
香港 台灣 北美
 
2017年06月23日

暗撻中佬 澳門攬到實
夢夢飛Ricky「仲係好朋友」

現年32歲戴夢夢前年與51歲太極鼓佬朱翰博(Ricky)爆出戀情,二人年紀相差近20年,當時有指夢夢是小三搶人夫,指Ricky與太太Anne尚處於同居兼未搞離婚,而Anne更聲稱試過兩次捉姦等新聞。昨日有報道指夢夢與Ricky已分手數月,女方上周二與一名年約40歲的中年男士在澳門銀河酒店賭場玩樂,其間在電子賭枱玩時,二人全程攬腰連體嬰,中年男更不時摸夢夢塊面,親暱程度如熱戀情侶。

嫌冇新意

Ricky事後得悉夢夢與中年男過大海,多番迴避下才認與夢夢已分手數月,但二人不久前齊齊出席林敏驄演唱會做幕後工作,沒有異樣。二人其實聚少離多,知情者爆料,夢夢仍追求激情,想男友有新意,Ricky又常要返內地打理音樂中心,沒時間陪她。

維護新歡

本報昨日聯絡夢夢,問到與中年男密遊澳門,她說:「其實大家仲了解緊,佢係圈外人,唔想講太多!」問到與Ricky的關係,夢夢表示:「我同Ricky分開咗一段時間。原因呢啲就唔答啦,我同佢冇涉及第三者,𠵱家仲係好好朋友,其實分手前大家有嘗試努力繼續行落去,但最終唔得,大家係和平分手。」
採訪:王梓曼

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載