› 選擇地區
三藩市
紐約
洛杉磯
其他美國地區
香港 台灣 北美
 
2017年06月28日

全智賢勁得老公家人歡心
奶奶向身邊人大讚新抱

韓國女神全智賢前日宣佈懷上第二胎,目前陀B十周,現時停工安胎,有網民更猜測全智賢生完第二胎後,有機會全職湊仔。雖然未知女神係唔係真係會淡出演藝界,不過就知佢深得老公家人歡心,全智賢奶奶李正宇更不時向身邊人大讚呢位新抱。

全智賢2012年跟韓服設計師李英熙外孫、設計師李正宇囝囝崔俊赫結婚,而跟全智賢多次合作嘅女星洪真京,就曾於節目中表示自己跟李正宇好熟,透露李正宇對於自己嘅新抱係全智賢一事,依然感到好神奇。洪真京仲表示:「李正宇跟我傾電話時,會稱讚新抱幾十分鐘,全智賢對老公一家人非常好。」

據知全智賢除咗將老公照顧得好好外,對老公家人亦照顧周到,會陪奶奶打波,又會精心準備老公家人嘅生日,而女神揀作品時,亦會尊重家人意見,難怪李英熙都曾於節目中大讚孫新抱全智賢:「全智賢好討人喜歡,全智賢嘅B仔一百日時,我仲親自準備咗米糕同韓服。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載