› 選擇地區
三藩市
紐約
洛杉磯
其他美國地區
香港 台灣 北美
 
2017年07月03日

8888開門利是娶妻冇難度
陳柏宇結婚生仔一盤計劃

現年33歲的隱世歌手陳柏宇昨日小登科,在拍拖6周年紀念日娶模特兒符曉薇(Leanne),中午接新娘後離開尖沙嘴美麗華酒店,柏宇拖着穿露肩玫瑰紅裙的老婆現身,Leanne戴鑽石鏈襯5對龍鳳𠼦喜氣洋洋,柏宇反傳統做柴可夫,親載老婆到九龍灣舉行婚禮。

激咀十幾秒

昨午鍾舒漫、林奕匡與未婚妻李靄璣、Super Girls成員Yanny及Jessica及森美等現身觀禮。換上吊帶婚紗的Leanne在爸爸陪同下踏入會場,柏宇講完「我願意」後讀出誓詞,Leanne感動到眼紅紅,兩人交換結婚戒指時,柏宇在現場歡呼聲下激咀老婆十幾秒。簽紙儀式完成後柏宇再連咀老婆三啖,兩人正式成為合法夫妻。

新娘Leanne致辭時感動說:「好開心,終於嚟到呢刻,其實呢段時間自己成日發脾氣,多謝身邊人包容,好難搵得到……」柏宇插嘴得戚說:「一個比我更好,可以就得你。」Leanne撒嬌說:「係我可以咁就得你。」
柏宇用了8,888元開門利是娶得美人歸,問到接新娘是否過五關斬六將?Leanne投訴:「好失望,仲諗住可以難到佢,點知佢完全冇感覺,好似用wasabi溝香口膠,佢食完竟然話好味。」明天兩人即飛夏威夷度蜜月,問到會否趁機造人?柏宇坦言:「梗係會,而且仲有一盤計劃。」Leanne在旁聽到尷尬笑。

江若琳取經

陳柏宇夫婦晚上在九龍灣筵開40圍,陳太換了低胸性感晚裝迎賓,小肥、關楚耀及應昌佑等現身飲喜酒,而江若琳則與男友蕭潤邦(Oscar)拖手到場,問到是否來取經,Oscar笑說:「係呀,今日嚟視察場地,9月我有音樂會喺度搞,我想睇吓有乜通道,可以運啲包畀大家食。我今年36,38歲前有啲嘢都要計劃吓。」問江若琳是否準備好兩年後結婚,Oscar即撫摸女友的頭,江若琳甜笑說:「我都OK嘅!」
採訪:馬健華
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載