› 選擇地區
三藩市
紐約
洛杉磯
其他美國地區
香港 台灣 北美
 
2017年07月09日

有米朋友不只洗米華
松岡做中介 接日豪客

日模松岡李那跟周焯華(洗米華)在安以軒夏威夷婚禮上跳辣身舞而傳緋聞,其後松岡返港出席活動時,強調跟洗米華僅是在婚宴上碰見,否認跟對方撻着,甚至一度發誓說:「我唔會拆散人哋嘅家庭。」有指松岡身邊不乏富豪朋友,生財有道,早前松岡在Instagram上載搭私人飛機的相片,私人飛機其實屬另一富商。

相關新聞:松岡嗌洗米華「大哥哥」做中介多富豪朋友

樂意幫助大哥哥

昨日有周刊拍得松岡於上周三在一男子陪同下到半山干德道豪宅璈珀睇樓,原來松岡在香港註冊成立公司,主力幫日本富豪來港買賣投資,當日松岡所睇的璈珀單位,正是她幫日本客人睇樓置業。有指松岡睇準日本稅貴,不少日本人來港開公司轉移資產減稅。而日本首間賭場最快2023年開幕,再加上2020東京奧運而引發無限商機,松岡亦以中介人身份為商人及當地賭場搭橋。
松岡於周刊訪問中承認開公司做中介人幫客人買樓買舖,被問到會否與洗米華合作時,她表示不介意,又稱呼對方做「大哥哥」,揚言這位「大哥哥」若再邀工作,她定十分樂意。問松岡身邊是否有很多猛人朋友?她指身邊有不少有錢和低收入朋友。

否認做賭網代言

松岡經理人王友良昨與松岡師弟男子組合R-ICE出席尖沙嘴活動時,承認松岡開中介公司,當日跟她睇樓的男子,其實是助手。對於松岡之前出席活動時強調不會拆散人家庭,不少網民認為松岡寸Mandy Lieu,王友良說:「松岡講嘅時候冇諗過Mandy Lieu呢一part,佢事後見到啲人咁講,都同我講話『我好似又講咗啲嘢唔係咁好。』我知道佢係冇咁嘅意思,大家諗得複雜咗。」至於有傳洗米華賭網以300萬找松岡做代言人,王友良否認其事。
採訪:盧妹

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載