› 選擇地區
三藩市
紐約
洛杉磯
其他美國地區
香港 台灣 北美
 
2017年07月17日

配音能手 《九品芝麻官》演尚書大人
盧雄糖尿折騰 瘦50磅

資深配音員盧雄曾經在周星馳主演的電影《九品芝麻官》中飾演尚書大人,近年因為糖尿病而減少幕前或配音工作。現年70歲的他,近日接受港台節目《守下留情》專訪,大談昔日配音軼事,而節目官網更上載了一張盧雄近照,見他比往時足足瘦了一個碼,但精神尚算不俗。

相關新聞:搞鬼演出《回魂夜》

為成奎安配音多

記者昨日致電盧雄,他表示該電台訪問是很早之前錄音,問他可有瘦了50磅?盧雄說:「有呀!」他承認受糖尿病困擾,由於身體狀況欠佳,暫時不便再接受訪問。
在《守下留情》訪問中,盧雄表示配音配得最多的藝人是成奎安、曹查理和何家駒,早年港產片蓬勃,經常因趕着配音而要捱通宵,沒有睡眠時間,他說:「有時嗰場戲冇份,就偷啲時間瞌陣,所以我哋點樣都瞓得到㗎!我曾經試過搭地鐵企喺度瞓。」

彈新一輩表現差

盧雄表示偶爾會收看電視劇集,但當主持問他會否聽得不舒服時,他說:「肯定係,所以點解導致我唔多睇呢,就係有呢個問題,除咗佢哋唔對嘴,佢哋啲語氣係唔得,我哋嗰輩要求高,你睇番啲港產片,真係好似嗰個人講嘢。」
盧雄表示為主角配音固然酬勞高,但實際並不着數,他說:「你今次配主角,下一套會唔會一定係你?但我配嗰啲奇難雜症,呢套有成奎安,下套有曹查理,仲有個時期,所有鬼佬都係我配。」如《最佳拍檔》中的「白手襪」正是他作品之一。盧雄指當年要保密為哪一位演員配音,而90年代中電影流行現場收音,令配音員收入大減。至於歷年演出作品中,盧雄覺得最好玩是《回魂夜》,他說:「兩個幾月我都喺將軍澳一個屋苑拍,晚晚拍夜戲成班圍住,黃一飛、黃智賢、星爺(周星馳)呀,個個都係玩得,有份拍就拍,冇份就傾偈呀、玩呀,最開心呢套戲。」
採訪:魯吉

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載