蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年07月21日

戶口未試過5位數
Chili自認蠢女易呃易o氹

17,185

素人麥紫莉(Chili),擁有「愛情動作片」才常見的36G「胸器」,那也不是突然出現的事,能夠讓Chili一夜之間變成話題人物,全因她可能是首位飛往日本拍AV的港女。

眼前這位90後少女,受訪時在鏡頭前擺幾個性感甫士也顯得有點害羞;談及涉性話題,先是一呆,望一望經理人,再吞吞吐吐地回答,如此這般,很難她想像之後如何與AV男優「短兵相接」,Chili話:「其實我沒多想娛樂圈是怎樣,既然你想行這條路,無論怎樣應盡量去接受。」

首個「港產AV女優」銜頭夠傳奇,但入行之路卻乏善可陳,離不開細個發明星夢,然後立志要見偶像之類。Chili說:「我睇電視覺得人哋靚,所以想入行囉。偶像嚟講我鍾意劉青雲!」於是兩年前,Chili參加了舊公司舉行的歌唱比賽,連當日獻唱的歌曲也遺忘,不過沒關係,反正順利入行目標已達。

Chili的36G上圍輕易聚焦,但原來也有人讚她的外表,「中學年代係有人話似桂綸鎂,其實好多囉,似馬賽、趙頌茹……嗰啲囉。」但她有自知之明,沒效法其他o靚模選港姐:「選美講求美貌與智慧,我讀書學歷唔係咁高,所以放棄咗!」

Chili毫不諱言自己有點蠢,之前就試過被男人欺騙:「其實佢自己有女朋友嘅但一路就話冇呀,唔認呀咁。」幸好,Chili沒被金錢利誘而墮入私影陷阱,她說:「曾經試過有個人,可能喺啲社交網站度,佢message我就話,一個禮拜畀80萬。(有冇動心?)冇,我覺得我比較係偏向用自己努力去搵錢。」萬一遇着男友要被供養,會介意嗎?Chili即答:「介意!你係男仔的話,收入少唔緊要但係最少起碼有番個責任感要去工作先囉!」

試過做sales,但始終入息有限,Chili難以負擔患腎病母親的開支,銀行戶口也永不超過五位數,才把心一橫到日本博一博,她說:「當然最尾(片酬)我都仲未知會係點樣用,但o依家嚟講,我暫定會畀我阿媽先。」聽起來有點蠢,但也算是「愚孝」吧。

問到Chili有沒有想過踏上這條AV路,可能不能回頭?Chili答:「返轉頭?唔諗咁多喇……」

採訪:嵐山、趙永傑、吉吉
攝錄:廖達燊、Neo
攝影:林德雄

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載