› 選擇地區
三藩市
紐約
洛杉磯
其他美國地區
香港 台灣 北美
 
2017年07月21日

窮到拎八達通按金開飯
崔建邦寫悔過書俾媽咪

崔建邦曾經係大台一線主持,被視為「陳志雲頭號愛將」,不過當年因為涉打前女友鄺敏慧及醉駕搞到形象插水,加上陳志雲當年捲入涉貪事件被無綫停職,崔建邦一度被掟入雪櫃,好彩志雲回歸大台後,先至有機會復工,不過就係做助導。

佢曾經接受訪問大談佢喺呢段時間嘅經歷,佢仲話做助導嘅時候,每個月萬一蚊人工,雖然開工食飯盒收工返屋企,慳到極限都好,經濟好快陷入谷底,最窮嘅時候,甚至連八達通嘅50蚊按金都要拎番出嚟用。

崔建邦仲話當年阿媽一直都係住喺清水灣住村屋,但有一次媽咪俾狗咬,所以佢哋要搬走,不過由於崔建邦積蓄唔多,最後安排媽咪搬咗去天水圍住,而自己就住喺旺角嘅酒店仔。因為呢件事崔建邦仲寫咗封悔過書俾媽咪,唔單止俾唔到家用就連媽咪都要搬開住,佢除咗講對唔住,仲承諾一定會接媽咪返屋企一齊住。

相關新聞:【性格豪放】野人教瑜伽拒入娛樂圈

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載