› 選擇地區
三藩市
紐約
洛杉磯
其他美國地區
香港 台灣 北美
 
2017年07月26日

招募黃金比例女性
韓君婷企街拉客 狂食檸檬

近年轉戰做藥廠OL的韓君婷,目前正為公司四出尋找面部黃金比例女性,被選出的最佳面部黃金比例女性可獲安排到泰國參加皮膚科醫學美容研究。韓君婷表示今次活動目標是希望找到一些從未做過醫學美容療程,及以純真、純美、自然為主的女士。

代表港人面孔

昨日韓君婷親自出馬到銅鑼灣鬧市派傳單招募,雖然派傳單期間她多次食檸檬被拒,又站在街上被途人評頭品足,但韓君婷仍笑面迎人,表現相當落力,幸仍有不人女士願意停下腳步細心聽韓君婷的講解,不致令她食白果收場。
韓君婷接受記者訪問時,透露今次招募香港區面部黃金比例的女性,是代表香港人面孔,而過往常聽見黃金比例面形較好的女性大多屬於歐洲國家或荷李活影星。昨日韓君婷更即場示範簡單量度面部黃金比例,問她是否擁有黃金比例面孔時,她笑說:「由我跌崩個鼻前都唔係黃金比例,我額頭較高,但比例上算OK,唔需要樣樣都perfect。」

「阿Sa短咗啲」

對於藝人身份轉做幕後再到落街派傳單,韓君婷坦言:「都食好多檸檬㗎,始終出到街人哋會驚,香港好多騙案 ,我要拎埋電話show個Ig,下一步可能要派埋卡片,今次希望多啲街外人知道,可以上網查詢。」
之後韓君婷以Twins兩位成員蔡卓妍(阿Sa)和鍾欣潼(阿嬌)來舉例說:「好似Twins阿Sa笑得好甜美,阿嬌就係黑馬,啲人要望過咗阿Sa先至知道阿嬌喺後面,望清楚阿嬌係越嚟越靚,阿Sa都靚,有啲位置短咗啲,阿嬌就係合乎黃金比例。」韓君婷表示現時滿意自己比例,但就謂:「我覺得皮膚可以再好啲,同埋個鼻可以再直啲。」
採訪:卓寶花
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載