› 選擇地區
三藩市
紐約
洛杉磯
其他美國地區
香港 台灣 北美
 
2017年08月03日

兩保母同行一對一服侍
黎姿三粉紅豬女去旅行

【爆相爆片】黎姿近年忙於打理醫學美容公司,今年仲將公司上市,而佢亦改名叫馬黎珈而,除咗做女強人,亦要照顧三個囡囡,分別係一對7歲孖女馬家蔚、馬家鎂同4歲孻女Pegella。近排踏入暑期,黎姿更不時帶3個寶貝女去畫畫、整曲奇,亦有貼相上社交平台,笑言3個囡囡係粉紅小豬豬。
本報讀者凌先生透過《蘋果》爆相爆片,喺日本成田機場撞到佢湊住3個女出發嘅相,同行仲有兩個保母隨行。凌先生同本報透露:「嗰日大約係日本時間17:55左右,我喺東京成田機場等飛機返香港,喺對面前往夏威夷航班,見到黎姿帶住佢3個女,仲有兩個保母喺度等上機,喺等上機嗰陣,佢哋仲去咗閘口附近嘅便利店買零食。」

相關新聞:息影發展醫學美容王國黎姿做完董事再買千萬豪宅

跟實媽咪

凌先生講到黎姿嗰3個囡囡全程好乖咁跟實媽咪,隔咗冇耐就一齊上機。睇番啲相,着住黑tee襯卡其褲同波鞋打扮嘅黎姿就忙緊照顧3個女見佢哋三個齊齊着住粉紅tee,三個都差唔多高度,其中一個就拉住一個小朋友用嘅粉紅色專用篋,另外兩個就揹住粉紅小背囊,再拎一個印有Hello Kitty嘅小朋友行李篋,乖乖跟住媽咪,名副其實湊住3隻粉紅小豬豬出城。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載