蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年08月08日

【add時尚】大仔曾墮馬不放棄
江碧蕙倡習騎 提升注意力

9,299

【星二代放暑假】香港第一位女騎師江碧蕙和練馬師前夫李格力育有一對中法混血兒子,兩人離婚後,現年16歲大仔李國銘(Samuel)和13歲細仔李國寶(Anthony)都繼續留在法國讀書,暑期、新年則會回港。日前江碧蕙帶兒子與現任丈夫去騎馬,大談騎馬對訓練小朋友專注力的好處,愛騎馬的大仔,卻因身形太高不做騎師,心儀向練馬師發展。

相關新聞:由富家女跌落谷底再爬起江碧蕙成母之路艱難

江碧蕙是騎術高手,兒子們亦學騎馬,她和現任網球教練丈夫Jerome一行四人,早前齊齊入新界學騎馬。可惜遇上大雨不能跑沙圈,江碧蕙指導兒子坐姿、平衡等,「佢哋喺法國時,讀小學已經有戶外活動係學騎馬,爸爸係練馬師,佢哋鍾意馬,又會跟爸爸開工。」

自小學最好

現時江碧蕙私人教授騎馬,名人學生以外,亦有小至幾歲小朋友學,「騎馬對身體好好,對身形好好,係個全身運動,我最細學生係三歲,小朋友可能騎四、五次,平衡力已經大大改善。」她指兒童學騎馬,除了培養小朋友和動物相處,亦有助集中精神及提升注意力,「小朋友係最好學習嘅年紀,騎馬嗰一剎那,你一定要集中精神,一唔集中就會失平衡,個節奏就會錯,馬有時會有窒步,所以注意力好重要。騎馬一定有少少risk喺度,喺騎術中心上堂,馬匹比較純良又安全啲。」
兩個兒子都懂騎馬,大仔Samuel更一度想做騎師,「我真係唔想我嘅小朋友做騎師。」她鼓勵兒子騎馬,但不想兒子做職業騎師,「自己做呢行,我自己都跌過,知道危險性幾大,所以自細冇刻意控制佢哋飲食,只要佢哋唔好太肥就OK。」大仔亦試過跌落馬,「我覺得好好,因為畀佢自己經歷過,真係跌過、痛過,佢可以諗清楚先。」

細仔愛足球

Samuel指自己愛騎馬,但考慮做業餘騎師:「職業就不會了,因為我太高,我的夢想也是和馬匹工作有關,或許做練馬師工作。」身形、天份更適合的細仔,則愛踢足球、網球多於騎馬。
採訪:林妙萍 
攝影:周樂恒

【賽馬會公眾課程】

私人教授一對一的騎術課程,約1,000元一堂,時間及地點可商討。公眾團體班,暫時只有香港賽馬會旗下的三間公眾騎術學校提供課程,學校位於屯門、薄扶林及鯉魚門公園,六歲至十四歲的小馬班,收305元一堂,按水平約六人一班,但由於人多班少,一般至少等候兩、三年。而不論私人或公眾授課,學生都需配備頭盔、馬靴及手套等設備。

更多精采時尚內容,盡在 http://add.appledaily.com 。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載