› 選擇地區
三藩市
紐約
洛杉磯
其他美國地區
香港 台灣 北美
 
2017年08月10日

09年長駐內地 36F波神變盛女
45歲彭丹:我想結婚生仔

【《蘋果》北京專訪】
36F「波神」彭丹從香港返內地生活,移居北京約8年,由一位演員變身為製片人及導演,有自己的影視公司,更出任甘肅省政協,近年在內地發展做得有聲有色,惟彭丹在感情路上卻一直交白卷,年屆45歲的彭丹自稱還未找到對象,但她相信緣份,不排除閃婚:「我想結婚生仔!」

相關新聞:下巴變尖雙眼皮彭丹:年紀大咗,個樣都會唔同

彭丹20年前由美國來香港發展,因擁36F上圍而有「波神」之稱,其半鹹半淡廣東話更是特色之一,彭丹施展絕招芭蕾舞、一字馬及拱橋而最為人津津樂道。但後來香港影壇低迷,09年後她已返回內地,後來在北京定居,並拍攝好多主旋律電影與劇集,13年還當了甘肅省政協。

忙工作冇人追

出道多年的彭丹一直鮮有緋聞或公開有交往對象,身在北京的她日前接受本報專訪,被問到現時感情生活,是否已結婚生子?還是有親密男友?彭丹哈哈大笑說:「梗係未啦!唔好話結婚,連男朋友都未有!你話我咁多年係零緋聞就啱喇,因為我大部份時間都擺晒喺工作,邊有時間拍拖?」
今年彭丹已經45歲,難道父母沒有向她催婚?她說:「父母催咗咁多年,見到一啲反應都冇,𠵱家都懶得催啦,最慘係過年,親朋好友成日問我點解唔派利是,我話都未結婚。我當然想結婚生仔,但都要有人追先得㗎!」問擔不擔心變老姑婆?她滿自信說:「𠵱家冇啫!但我覺得自己總會搵到,將來結咗婚有咗家庭,我就真係會相夫教子,唔再出嚟做嘢。」

相關新聞:拍幽默片 化解中港矛盾

「可能我會閃婚」

彭丹指這幾年她獨自在內地打拼事業,問會否感到生活苦悶?她說:「我生活好充實,喺北京我嘅工作團隊有6、70人,日日同咁大班工作夥伴一齊點會悶,不過女人始終係要有自己家庭,我好信命中注定,搵啱對象,可能我會突然閃婚。」問對男友有甚麼要求?彭丹表示:「第一係健康,仲有係心地善良,人品要好,唔一定要有錢,有才華同能力就OK!」
採訪、攝影:陶然婷

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載