› 選擇地區
三藩市
紐約
洛杉磯
其他美國地區
香港 台灣 北美
 
2017年08月10日

缺席男友家姐君如生日會
江美儀傳情變:分開咗!

今年年初有報道話江美儀同拍拖10幾年嘅吳君祥感情轉淡,加上男友又喺北京開咗製作公司,變咗一年先見得嗰4、5次,於是乎江美儀講明有晒心理準備男友會移情別戀!

日前吳君祥個家姐、吳君如喺fb貼咗啲英國慶祝生日相,除咗伴侶陳可辛同愛女陳是知之外,仲有爸爸爸爸夏春秋(冬叔)、吳母及胞弟吳君祥,但係偏偏唔見江美儀嘅踪影,結果惹嚟分手疑雲!

昨日江美儀喺中環拍外景,講到情變嘅事,江美儀話:「分開咗!」

此話一出,立即惹嚟追問,江美儀再話:「分開啫,只係分開咗做嘢,佢o依家主力喺北京,我喺香港,冇乜特別嘢,佢啱啱喺英國返嚟,喺屋企等緊我!」佢仲話:「我噚晚先拍完劇,跟住又要開《街市》,所以真係行唔到去英國!」唔知屋企人又有冇問返呢件事,江美儀就話:「我阿媽同老竇已經化境,電話都冇個,連message都冇,完全冇乜感覺,因為佢哋知道發生乜嘢事。」

至於o依家嘅感情狀況,佢話:「冇進步亦都冇退步,我好隨緣,就算日日見面都可以分開,我哋會盡力維繫!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載