› 選擇地區
三藩市
紐約
洛杉磯
其他美國地區
香港 台灣 北美
 
2017年08月22日

藝訓班畢業投亞視15年
袁文傑回巢雙贏 爆紅結婚

【《蘋果》專訪】袁文傑入行27年,由無綫到亞視,去年輾轉重投無綫。有台型、夠身高和身為阿仙奴死忠fans的他,講波勝過自稱好叻的球評人,欠的是一個機會。有言學好功夫等運到,袁文傑早前憑無綫劇集《不懂撒嬌的女人》的「游俊傑」角色彈起,工作接踵而來,近日成為信貸公司代言人。名成利就不忘向拍拖6年的女友表明心迹,自言兩年內會迎娶佳人,更被好友陳啟泰點名到時要大搞。

相關新聞:【亞視力捧】身高6呎3 做到爆騷

現年45歲的袁文傑90年參加無綫藝訓班,畢業後加入亞視,一做就15年,其間先後做過Now電視及在網上講波,月前他以嘉賓身份,客串評述英格蘭足總盃決賽阿仙奴對車路士,身為阿仙奴fans的他被網民激讚出色,比同場的陳百祥、鍾志光及潘文迪更有紋路。去年袁文傑重返無綫,在劇集《不懂撒嬌的女人》中憑6呎3吋身高及霸氣外表,演活擅長玩弄手段的老闆「游生」而被讚賞。

代言袋六位數

袁文傑日前接受本報訪問,為代言的灝天信貸公司宣傳並剖白內心世界,他自言入行27年首次擔任代言人:「當然非常開心!終於做到喇!廣告我拍唔少,代言就第一次,呢個係大品牌,拍攝好開心,今次拍攝有特技,幾有難度,又識到新朋友。」
至於酬金方面袁文傑笑言滿意,有六位數字的收入。事業得意之餘感情上穩步向好,袁文傑與兒童節目主持出身、現年40歲的女友張潔蓮(Jackeline)拍拖6年,是公認的一對,對女友呵護備至的他更被網友讚為暖男,袁文傑表示會在兩年內娶Jackeline,他說:「我都係做番男友本份,暖唔暖男都冇相干,大家年紀都唔細,希望兩年之內啦!」其實他一直視對方為結婚對象,又賣口乖讚女友好好,自己從未遇過這種性格的女仔:「佢好單純,相處得好舒服,唔使顧忌太多,到我呢個年齡嘅人嚟講,但求大家相處舒舒服服,唔需要波瀾壯闊、驚天動地,過晒喇!呢刻彼此相處係最好時機。」

相關新聞:【踩入影圈】Montblanc睇中做波士

冇諗過生BB

講到理想婚禮,袁文傑說:「個人崇尚自由、低調、隨意啲,話聲畀啲老友聽就算。但我曾經公開講過會搵陳啟泰、張文慈同蔡國威做婚禮嘅司儀,之前同陳啟泰食飯,佢追問我幾時(結婚)?叫我唔好甩底!佢嚴厲地逼迫我,我唔能夠低調處理,難得泰哥咁認真對待。」對於生兒育女,因為太大責任,既要供書教學,生活又不能掉以輕心,所以袁文傑沒有想過生BB:「屋企已經有囝囝要用心照顧,我係講隻貓,生BB冇諗過喎。」
採訪:羅慧敏
化妝:Kae Li
髮型:Chris momo Aveda salon
服裝提供:Giorgio Armani
場地提供:HERE is a PUB

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載