› 選擇地區
三藩市
紐約
洛杉磯
其他美國地區
香港 台灣 北美
 
2017年08月24日

【add時尚】他們的Stylist

造型師,看似是表面風光的職業,經常有機會接觸不同明星,見盡靚人靚衫,但背後要付出的時間和辛酸,相信非行內人很難理解。《add》一連兩天找來四位星級造型師訪談,今日先由周秀娜的御用造型師Harry Lam,以及謝安琪(Kay)背後的扮靚功臣Inggrad Shek出場。

相關新聞:Inggrad與Kay

【Harry與娜姐】

Harry Lam是周秀娜的御用造型師,訪問當日正要為娜姐準備出席活動的造型,看似簡單一個look,但其實事前已經要花費不少準備工夫,由找衣服、配飾、鞋履、做fitting、找裁縫改衣到取貨,前後差不多要用上一星期時間,所以對於這個行業,Harry表示:「大部份人覺得我哋好glamorous,但背後係啲好咕喱嘅嘢。」

「自私的職業」

當初入行,Harry由助手做起,「有啲人叫做紅褲仔,由最基本去學,做助手幾年,然後自己開始接job。」他形容造型師更是一個自私的職業,因為除了工作主觀,根據個人品味之外,更要經常工作至黃朝百晏,「真係理唔到屋企人、朋友,所以自私係可以形容晒呢件事。」
不少人認為造型師這個行業,只是每天被美美的服飾包圍,又或者經常參加不同的時尚盛宴,但Harry覺得付出的時間、精神和努力都很難去計算,「一開頭可能乜人都唔識,你要做好多嘢令人認識你先會請你去event,有啲可能出名都係密密耕耘,等到一個機會先會成功。」

忍耐有錢途

基本上造型師都是自由工作者,收入按照每個工作而定,所以最初入行,往往都會收入不穩,Harry說:「由負數直至好高都得,好高嘅意思係如果去到國際級最出名,可能過百萬都得,但點解話負數,可能係開頭做intern車錢都冇,咁都係你自己cost,不過基本上造型師都可以搵到足夠收入維持生活,但真係要忍耐。」

娜姐是在一個活動上經朋友介紹認識,至今已合作超過三年。訪問當日娜姐亦大讚Harry細心,她說:「可能我鍾意嘅嘢好單一化,佢會因應我嗰日做乜揀一啲啱我,令個形象更加好。我哋自己冇睇咁多fashion嘅嘢,佢哋鍾意就會睇好多,所以好多idea,stylist最犀利嘅地方係佢哋可以將一個designer嘅設計,變化到最啱我哋,係我carry件衫,而唔係件衫駕馭我。」
採訪:陳蔚渝
攝影:周樂恒
場地提供:小時光

【甄子丹易話為】

甄子丹也是Harry的合作夥伴,Harry分享最初與甄子丹合作,是緣自一次拍攝雜誌開始。未認識前,他指不少人提醒他要小心,指甄子丹好挑剔,「但嗰日去到影相見到又唔係吖,條友好爽,好易話為,個shooting又on time完成,好順利,隔咗一段時間,佢助手打電話畀我,就開始試吓合作。」

【細心最重要】

造型師首要條件,當然要熱愛時裝,具備一定的潮流觸覺,但Harry認為細心才是最重要,「因為我哋需要handle一啲好details嘅嘢,例如proportion,手長定腳長,腰位喺邊,都係要細心,當然鍾意時裝同扮靚都好緊要,如果冇興趣唔會成日睇。」
此外,精神和體力上都要捱得苦,Harry說:「精神上係指對每一次工作都要上心,體力上就係你每次都要去搵嘢,影一個shooting,可能要攞住兩個大篋,甚至幾個大袋喺街行,冬天好啲,夏天會好辛苦,落雨就仲辛苦,但個job定咗嗰日就係嗰日,你無論如何都要死掂佢。」

更多精采時尚內容,盡在 http://add.appledaily.com 。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載