› 選擇地區
三藩市
紐約
洛杉磯
其他美國地區
香港 台灣 北美
 
2017年09月01日

視力剩一成 無望揸車
葉振棠踩電動車 過心癮

【我們的演唱會】葉振棠前年失去老伴于楓,一直有眼疾的他,現視力僅餘不足一成,雖然打擊重重,但棠哥卻沒被打倒,依然熱愛唱歌,將於本月4及5日假文化中心舉行「唱盡心中情」演唱會,估不到年屆72歲的棠哥更愛玩電動平衡車和航拍,簡直是潮爆老人。

「多次申請紅館」

日前棠哥在寓所附近踩着電動平衡車,灑脫地唱:「忘盡心中情,遺下愛與癡」,雖然玩航拍時要用放大鏡看iPad,但無阻棠哥的決心:「大家知我視力唔係咁好,呢世人都冇可能揸車!我覺得企上兩個轆,好似自己揸車,好有滿足感。而模型飛機飛咗上去睇唔到,航拍睇iPad就得,譬如錄音錄到好攰,對唱歌有種倦意就玩吓,好relex減壓。」
棠哥希望有日可以踩電動平衡車上紅館舞台,他說:「呢個出場方式幾得意,將閃燈收喺車度,我同葉麗儀都好希望喺香港再做一次『雙葉』,舊年已經申請紅館好多次,但都畀唔到期,希望下年可以圓夢。我好希望喺紅館可以有自己演唱會,但驚唔夠實力,唔係謙,我覺得雙葉嘅力係夠啲。」

「我只係識唱歌」

問到棠哥為甚麼熱愛唱歌?他笑說:「我唔識第二樣,只係識唱歌!就算有乜嘢唔開心,我企上舞台可以完全忘記。」是否因為老伴于楓離世影響?他淡然說:「唔關事,過咗啲嘢就算啦!」問他會寂寞嗎?看透命運的棠哥說:「唔會,每年有三分二時間喺錄音室,冇乜時間諗第二樣嘢。其實都有心理準備,因為當時佢有病,冇辦法,人生就係咁樣,我覺得要隨遇而安。」會否想搵另一個紅顏知己?他說:「唔諗啦,72啦,仲諗嚟做乜嘢。」
採訪:余燕儀、懷鈺
攝影:陳俊強
場地提供:NZ餐館

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載