› 選擇地區
三藩市
紐約
洛杉磯
其他美國地區
香港 台灣 北美
 
2017年09月01日

兵仔輪住陪
劉佩玥心痛周志文「唔好詆毀佢」

【爆相爆片】被指不斷收兵的劉佩玥(Moon),前年先傳出與合作拍劇的伍允龍撻着,後因聚少離多於今年分手,之後又傳她撻着「花王」周志文及翟威廉等。Moon上周六與周志文在新蒲崗撐枱腳嘆泰國菜,其間被對方𠱁到不停冧笑,事後她開腔維護被指是新兵的周志文說:「唔好詆漽佢。」

相關新聞:港姐愛得好高調鄭嘉穎讚陳凱琳多優點

現年27歲的劉佩玥,13年參選港姐獲季軍,入行短短四年已獲無綫力捧,雖然未有機會「坐正」做女主角,但拍劇一部接一部,前年與伍允龍合作拍劇集《城寨英雄》傳撻着,惟有指因伍允龍經常要返內地工作,以致「玥龍戀」極速玩完。

𠱁到不停笑

不過,一直被指喜歡「收兵」的Moon,據知跟伍允龍拍拖期間,身邊已不乏兵仔,當中包括周志文、ViuTV藝人陳安立及翟威廉等。
Moon於上周六約下午2時,被讀者潘小姐透過本報「爆相爆片」,直擊她和周志文在新蒲崗Mikiki商場內一間泰國餐廳撐枱腳。潘小姐指周志文不時都拿着電話按,然後又會遞給Moon看,𠱁到Moon邊食邊笑。潘小姐續謂:「食飯時周志文比較低調,講嘢都係細細聲,相反劉佩玥就唔介意周圍啲食客認得佢哋,講嘢同笑嗰陣都好大聲,有時仲會托住頭眼定定望住周志文。」潘小姐指二人這個午餐食得十分悠閒,嘆了近二小時始離開,而周志文則負責埋單。
被問到與周志文甜蜜撐枱腳,Moon回覆傳媒說:「我同佢哋兩兄弟(周志文、周志康)都成日一齊食嘢喎,好平常。」有指她食飯時不停笑,Moon即笑謂:「咁食飯梗係會開心啦,唔通乸住塊面食咩?」提到經常被坊間冠以「娘娘」稱號,Moon回應謂:「其實我同男仔食飯就話佢哋係兵,有啲詆漽佢哋,大家由始至終都係好朋友,咁唔通我同陳瀅、何雁詩佢哋出街,又係宮女,as a friend,每次聽到,都覺得唔舒服,雖然佢哋話得啖笑,但都覺得對佢哋唔公平。」

相關新聞:【鬥多緋聞】周志文嗒過CoCo劉佩玥秘撻伍允龍

「係好知己」

至於周志文回覆本報時,則倒模Moon的回應說:「我哋間中就約食飯喎,睇吓人多定人少,總之我哋係好知己啦!」
除兵仔周志文外,跟Moon同樣讀沙田呂明才中學的陳安立,二人除了是師兄妹關係,當年亦傳曾拍拖,有Moon舊同學報料指,二人當年在人前人後都有拖手及錫嘴,拍拖並不是秘密。Moon亦很懂得分配時間照顧一眾兵仔,包括與翟威廉合作拍劇,便傳二人秘戀三個月,收工後則照顧其他兵仔。
採訪:王梓嫚

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載