› 選擇地區
三藩市
紐約
洛杉磯
其他美國地區
香港 台灣 北美
 
2017年09月01日

老公貼咗60隻上海小籠包
胡杏兒可以食幾多?

有人話女人最靚嘅時候,就係結婚同懷孕,其實懷孕嘅女人除咗特別靚之外,仲會特別好胃口㖭,點解,一個人要食兩個人嘅份量㗎嘛!唔信,你睇懷孕7個月嘅胡杏兒就知啦!

呢位準靚媽杏兒,之前同佢嘅「胡說八道會」嘅好姊妹胡定欣、姚子羚、胡蓓蔚、黃智雯、李施嬅,一齊飛去澳洲幫大台拍攝旅遊節目,真係可以寓工作於娛樂!拍完旅遊節目後,杏兒仲未停工養胎,o依家又飛咗去上海,為佢有份拍攝嘅大陸新劇《那年花開月正圓》宣傳,而佢老公李乘德(Philip),亦好體貼咁飛埋去上海陪老婆。

昨日佢就喺ig分別貼出食上海好出名嘅「佳家湯包」小籠包,同煎上海菜肉雲吞,兩張相相隔嘅時間只係幾小時,時間並唔重要,單看相中就見到五籠唔同口味嘅小籠包,每籠都有一打小籠包,合共六十隻,連Philip亦留言話:「This is what happens when you leave the ordering to your pregnant "I want to taste different flavours" wife......(如果你俾你想試唔同口味嘅懷孕老婆去落單嘅話, 就會發生這些事。)」就係咁,杏兒就點到成枱都係小籠包喇!大家又不如一齊估下,一個人食兩個人份量嘅杏兒會食幾多隻吖!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載