› 選擇地區
三藩市
紐約
洛杉磯
其他美國地區
香港 台灣 北美
 
2017年09月09日

為MV試裝仆親見血
林保怡爆眼角縫9針

【爆相爆片】
劉美君於下月14日及15日在紅館舉行演唱會,請來28年前合唱《偷窺》的拍檔林保怡出山做嘉賓之外,更準備與對方重新拍攝《偷窺》MV。不過,MV還未開始拍,林保怡竟不幸遇上意外撞爆眼角。

拍攝器材傷頭

前日有網民在微博貼圖,指在沙田威爾斯親王醫院急症室見到林保怡,當時他左眼眼角貼上紗布,似乎受傷。而事後林保怡經理人接受內地傳媒訪問時,指林保怡拍MV時被器材弄傷頭部,經醫生檢查後未有發現腦震盪,只是眼睛附近位置擦傷及又紅又腫,經治療後已經回家休息。
記者昨日致電林保怡了解,他初時還講笑說:「我打MMA整傷嘅!」之後他再解釋受傷原因:「其實我嚟緊要拍《偷窺》嘅MV,噚日試禮服,點知一個唔覺意仆倒撞親眼角,初初以為好小事,點知摸落去濕嘅!先知原來流緊血,仲血淋淋。」

急症室轉私院

受傷後,林保怡即刻到沙田威爾斯親王醫院睇急症,沒料到發現太多人而轉往仁安醫院求醫,他說:「醫生睇完之後話原來我爆咗兩條傷痕,佢同我打咗麻醉針之後,總共縫咗9針。」問可擔心破相時,林保怡竟仍心繫工作說:「我冇諗咁多啦,𠵱家最希望12號拍MV前好番!」此外,劉美君近日在ViuTV主持的《PG Style》中,走到公園與一眾街坊跳大媽舞。
採訪:魯吉

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載