蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年09月09日
馬上成為壹會員

內地趕拍真人騷
之之:虛脫咁滯

關之琳打扮高貴出席慈善晚宴,她大呻拍內地真人騷時很辛苦。

關之琳、葉童夫婦和陳展鵬女友單文柔等,昨晚在富豪機場酒店出席「善學慈善基金慈善晚宴2017」活動。之之昨晚現身撐趙曾學韞,提到她近日參加內地真人騷《我們來了》,她說:「每星期來回四日,仲有四集就拍晒,感覺好辛苦,但應承咗就要做,冇得瞓冇得食,中國地方好大,成日趕嚟趕去,天氣又好熱,搞到虛脫咁滯。」是否下次不肯再接?之之說:「我喺訪問講過真係唔好搞我啦,今次好特別,講文化,咁玩遊戲我接受到。」
有指之之酬勞高達4,000萬,她避談:「唔好講呢啲,一日拍20個鐘,拍足四日,拍到上飛機。咁我又唔後悔接,接得就盡力做。」之之表示全體參加藝人都玩得又精力充沛,不過她跟吳秀波較好靜,有時想在車上睡一下,她說:「大家玩到散晒,睡姿都俾人影埋出嚟,但算係好好經歷。」她表示不清楚內地有意收緊真人騷只在網上播出條例。

單文柔讚展鵬定欣襯

單文柔跟視帝陳展鵬拍拖,她直認多了人認識:「可能因展鵬關係,以後希望因為我工作,而唔係戀情。」她表示稍後會加入主持J2節目及兒童節目,至於拍劇方面暫時未有,問到為何男友不幫忙牽線,她說:「自己未有能力同實力,基礎唔夠就算佢幫我同教我,都要自己打好底先,如果唔係機會嚟都捉唔住。」
單文柔有看展鵬主演的劇集《同盟》,展鵬有向她分享拍劇心得。展鵬和胡定欣戲中有不少纏綿戲,問可有看到眼火爆?單文柔喪笑說:「咁又冇,劇中佢哋好襯,好有默契,睇得出佢哋係好合拍嘅拍檔。」
採訪、攝影:盧妹

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載