蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年09月09日
馬上成為壹會員

《同盟》Rainman謎底解開
江美儀火併鮑姐

鮑起靜過檔大台嘅第一部電視劇《同盟》將會喺下個星期三播映大結局,近排啲劇集好鍾意玩big boss,喺《城寨英雄》播映結局篇嗰陣,已經掀起咗一陣猜猜Big Boss嘅熱潮,所以今次都唔例外,當《同盟》進入結局篇時候,藉住選舉活動,開始舖出伏線,原來背後有一個幕後黑手Rainman,操控大局,令以鮑姐為首嘅令氏集團,陷入困境。
監製Jazz曾經預告過,Rainman係由一個有份量嘅演員上陣,喺前晚播映嘅第23集,鄭子誠本來唆擺張國強殺死鮑姐,先可以抬起頭做人,點知原來為局中局,張國強炸死咗之後,矛頭直指鮑姐,於是乎保安局決定召開小組,希望徹查真相,飾演警務處副處長嘅羅樂林同飾演滅罪委員會主席嘅江美儀現身,Rainman嫌疑人登場。
其實喺討論區上,唔少網民都開帖估Rainman嘅真身,除咗羅樂林同江美儀之外,亦有人覺得呢個人係飾演警司嘅劉江,甚至係張國強個仔林子善。今晚呢個謎底正式揭盅!話說飽受喪子之痛嘅郭鋒,本來同鮑姐對立,但係最後為咗姚子羚,同鮑姐冰釋前嫌,希望查出邊個係Rainman,表面上佢不惜殺陳山聰以示誠意,佢仲喺蛛絲馬跡上,發現Rainman嘅真正身份,原來就係江美儀,可惜最後招致殺身之禍,臨前死佢都留低線索,俾陳山聰佢哋追查。

相關新聞:網民票選 力壓李佳芯做女神鮑起靜:笑死人

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載