蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年09月19日
馬上成為壹會員

婚宴捐金飾擺設抽獎
朱咪咪娶新抱訓示抱孫

現年62歲的朱咪咪前日榮升新奶奶,她的長子馬健庭與馬來西亞女友Jeanette前日在黃埔博藝會擺酒結婚,筵開十多席,出席藝人除咪咪姐叔仔馬德鐘外,還有姜皓文、譚炳文、黃一山(細龜)、王俊棠、尹揚明、方伊琪和李麗霞(黑妹)等。

自己做埋司儀

昨日咪咪姐在微博貼上多張婚宴照片,並留言:「馬生&咪咪姐榮升新老爺新奶奶之喜,看着他囝囝『堅挺』長大,現在成家立室了,真替他們高興。恭祝一對新人百年好合永結同心、三年抱兩、滿堂吉慶。席間還遇到好多老友㖭,這個不一樣的新奶奶,職業病冇計喇,好搞笑,自己做埋司儀㖭。」

好友畀面出席

咪咪姐在兒子婚宴上滿場飛,昨日記者致電咪咪姐時,她聲線極疲累。問咪咪姐前晚是否兼任司儀時,她說:「我冇做埋司儀,佢哋有司儀嘅。好多朋友都好畀面嚟飲,啲金飾擺設都有二十幾份,我哋攞晒出嚟抽獎。」
問到可有高歌助興?咪咪姐說:「咪同大仔、二仔一齊唱咗首《海濶天空》囉!」咪咪姐前日送了龍鳳鐲同金豬頸鏈給新抱,而稍後亦將分別在新加坡和大馬擺酒宴親朋。此外,有份飲喜酒的馬德鐘昨日謂:「我恭喜一對新人連生貴子,最鍾意人生多啲BB出嚟,呢個社會多啲新生命力同多啲新景象。」
採訪:魯吉、陳杰

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載