› 選擇地區
三藩市
紐約
洛杉磯
其他美國地區
香港 台灣 北美
 
2017年09月22日

G-1格鬥搶攻輸得快
Chili膝頭喊痛入院

【揮拳】
健身教練Chika(左)利用Arm bar,成功鎖實Chili。

【東京直擊】擁有36G的「偽AV女」麥紫莉(Chili)與麥家琪、曾跟球星陳肇麒爆房舊愛張可義(Emily)和私人健身教練余智嘉(Chika)等應邀到日本參與ViuTV節目《G-1格鬥會II》,四女昨分兩場對戰。Chili敗陣投降兼傷腳,卻成功搶鏡。

即場冰敷

賽前曾接受MMA訓練的Chili,昨日上擂台對戰Chika,完全強弱懸殊。學過MMA和泰拳的Chika於首回合已主動進攻,將Chili摔落地再鎖實,Chili奮力堅持,直到首回合結束。第二回合開始,Chika再度搶攻,不足20秒已經將Chili打倒兼用Arm Bar鎖實,令她動彈不得,惟有拍地投降,但左腳膝蓋已經受傷,Chili喊叫:「我起唔到身,好痛,膝頭好痛!」教練即替她冰敷左膝,並由評判宣佈賽事結束。其後攝製隊將Chili移至後台治理。ViuTV方面昨回應: 「Chili於今日拍攝《G-1 II》比賽期間受傷,ViuTV為安全起見,已立即送佢到就近醫院接受檢查。」

表現收貨

另一場比賽是42歲的人母麥家琪比拼27歲的Emily,比賽三回合,每回合限時兩分鐘。Emily連續兩回合成功將麥家琪摔落地,直到第三回合,麥家琪才成功摔低對手,最終由Emily勝出。麥家琪賽後說:「對方冇鎖實我條頸,其實係大家鬥大力,但佢真係發揮得好好。」她對自己表現已收貨,但大腿現瘀痕。
麥家琪表示比賽完畢可鬆一口氣:「返到去,仔女知道我輸就會話我渣囉。」但老公卻會放心,她說:「佢都叫我唔好打,但知道我唔聽,今次都算成功挑戰自己。」Emily則說:「今日平常心去打,家琪都發揮得好好,佢參賽都要好大勇氣。」
採訪、攝影:曹家誠

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載